من "جوز حرابيق" إلى التهديد والفضيحة.. القصة الكاملة لـ"خناقة" ياسمين عبد العزيز مع أسرة محمد حلاوة
الخميس 24/يونيو/2021 - 01:07 م
أثيرت حالة من الجدل على السوشيال ميديا خلال الأيام الماضية ، بسبب "خناقة" أطرافها بوسي شلبي وريهام حجاج وياسمين عبد العزيز.
بدأت القصة عندما استضافت إيناس الدغيدي في برنامج "شيخ الحارة والجريئة" في شهر رمضان الماضي الإعلامية بوسي شلبي، والتي وجهت لها سؤالا: "ياسمين عبدالعزيز الفنانة رقم واحد في مصرلأنها بتنجح سينما وتليفزيون أبيض وأسود"، لترد بوسي شلبي قائلة: "يسرا هي رقم واحد في الوطن العربي".
لتنشر ياسمين عبر الإنستجرام مقطع من هذه المقابلة وتعلق عليها بأموجي ضحكة: قائلة: "هموت".
فاجئت بوسي شلبي الجمهور بمقابله خاصة مع ريهام حجاج تحكي عن علاقتها برجل الأعمال محمد حلاوة وتتجاهل اسم ياسمين عبدالعزيز، لتعلق ياسمين عبر حسابها الرسمي : "تخيل أنا حارقلك دمك من غير ما أعملك حاجة مبالك بقا لو عملت؟ الصمت مش ضعف الصمت قوة".
ظهرت لمياء حلاوة شقيقة محمد حلاوة، خلال فيديو نشره الأخير عبر حسابه الشخصي بموقع تبادل الصور والفيديوهات "إنستجرام".
وقالت: "أنا اسمي لمياء حلاوة أخت محمد حلاوة، الحقيقة أنا شفت برنامج ريهام صاحبتي وأختي ومرات أخويا، وكنت فرحانه بيه وشفت أنها قالت كلام محترم وكلام من قلبها، الحاجة اللي ضايقتني وأزعجتني ودي حاجة عائلية إني فوجئت من كام ساعة بكلام يتقال على حرابيق وكلام ميصحش يتقال".
وأضافت: "يا جماعة إحنا بقالنا 3 سنوات بنتحارب ونتهاجم ويتقال علينا كلام غلط وإحنا مبنردش علشان خاطر مصلحة ولادنا وعلشان ده اللي اتعلمناه في الدنيا إن إحنا نخاف على ولادنا بس الظاهر أن في ناس تانية مش فارق معاها الكلام ده إحنا خلاص خرجناكي من حياتنا وقفلنا صفحتك ومش بس كده مبنفتكركيش".
واختتمت: "عاوزينك أنت كمان تركزي في صفحتك وتنسينا وحاولي أن أنت تكوني سعيدة لأن إحنا بقينا سعداء وإحنا بعيد عنك، يا رب الكلام ده يوصلك لأن غير كده أنا أظن أنك هتبوظي الصفحة الجديدة بتاعتك هي كمان، ده اللي عاوزة أقولهولك وأقوله لمصلحة ولادك".
ووجهت نجلة محمد حلاوة، رسالة إلى الفنانة ياسمين عبدالعزيز بعد إهانتها للفنانة ريهام حجاج، إذ نشرت ياسمين صورة مصحوبة بتعليق "جوز حرابيق" بعد لقاء ريهام مع الإعلامية بوسي شلبي.
وكتبت ابنة محمد حلاوة، عبر حسابها الرسمي بموقع التواصل الاجتماعي "انستجرام"، قائلة: "أوعى تدعى حاجة مش فيكي انتي عمرك ماكنتي كويسة مع حد.. انتي اللي خطفتني بابانا مننا من 17 سنة وكانت أمي على ذمته وحاولتي طول الـ 17 سنة تقطعي علاقتنا بيه".
وتابعت: "حاربتينا وأذيتينا كتير الناس العادية مش عارفة حاجة بس الناس اللي حوالينا عارفة كل حاجة ياريت تبطلي أذى بدل كانعرف الكل انت اللي قاطعانا عن اخواتنا من يوم مااتولدوا وكفاية اللي عملتيه في شرم الشيخ من شهر قدام الناس.. كفاية وبطلي تظهري بصورة مش حقيقتك".
