أنغام توجه رسالة لـ شيرين عبد الوهاب: "متربية على الأصول"

دعمت الفنانة أنغام، زميلتها المطربة شيرين عبد الوهاب، بعد قيامها بنشر مقطع فيديو ردت به على الاتهامات التي طاردت زوجها المطرب حسام حبيب.

ونشرت أنغام عبر حسابها الرسمي بموقع التواصل الاجتماعي "فيس بوك"، صورة المطربة شيرين عبد الوهاب، وكتبت:" بنت الأصول، ومتربية على الأصول، شيرين عبد الوهاب".

وكانت المطربة شيرين عبد الوهاب، ردت على مات تداوله من أنباء من خلال تسجيل صوتى، للرد على التسجيل المزعوم  لوالد زوجها المطرب حسام حبيب، مؤكدة على أن لا يوجد أى شئ بينها وبين زوجها وأن كل ما يثار لا أساس له من الصحة، مطالبة جمهورها بالدعاء لهما بأن يرزقهما الذرية الصالحة  .

وقالت شيرين عبد الوهاب فى التسجيل الصوتى: "عاوزة اطمن كل الناس اللى بتحبنى أن مفيش أى نوع من أنواع الخطر ولا على ولا على حياتى.. بالنسبة للى حصل محتاج ان انا ارد عليه ومش هينفع ارد عليه فى كلمتين.. حسام جوزى اللى أنا معشراه ده أنسان من أنضف رجال الدنيا وأنسان محترم وأنسان متربى بيحبنى أكثر من نفسهه وميستهلش منكوا كم القسوة ده بس أنا مدياكوا العذر علشان أنتوا متعرفهوش".

وتابعت: " بس عاوزة أقولكوا أن الراجل اللى ربنا حطه فى طريقى فى الوقت ده.. فى الوقت اللى كنت فيه متكسره ومدمره هو بنالى شخصيتى وخلانى بقيت بعرف اتكلم رجعلى لنفسى تانى الثقة.. حسام ربنا هو اللى بعتهولى ربنا مبيمعليش حاجة وحشة.. حسام بيحبنى أكتر من نفسه أنا وبناتى والدليل انه من ساعة ما اتجوزنى مستفدتش باى حاجة ومعملش لنفسه اى حاجة هو بس عايش علشان يخاف عليا وعلى عيالى وكل شيئ.. الحاجات كتيرة مش المفروض ارد عليها بس عاوزة اقول كمان أن الست حماتى اللى ربت راجل اخلاقه عامله كدة اكيد لازم تكون ست عظيمة.. حسام انسان عظيم.. وأمه ست عظيمة.. اتمنى منكوا تدعولنا بالزرية الصالحة وبقولكوا مفيش أى حاجة من دى خالص حسام انسان نقى ونضيف وربنا هو اللى بعتهولى".