بيقول "أنا ضحية ظروفى".. فنان شهير متورط بالتحرش بفتيات خلال ورش تمثيل
الأربعاء 30/يونيو/2021 - 05:38 م
انتشرت في الساعات القليلة الماضية، قصص لعشرات الفتيات اللاتي تم التحرش بهن خلال ورش التمثيل السينمائي التي يدربهن فيها الفنان الشهير "ش.خ"، حيث بدأت الفتيات في كشف تفاصيل التحرش بهن.
ونشر الشاب عبد الرحمن مجدي، شهادات لعدة فتيات عبر حسابه الشخصى على موقع "إنستجرام" والتي تتضمن قيام الفنان الشهير بانتهاكهن والتحرش بهن وحتى أن إحدى الفتيات أفادت أنه حاول تقبيلها رغمًا عنها.
وقالت إحدى الفتيات: "كنت باخد ورش تمثيل مع الممثل "ش.خ" كان دايمًا حريص إنه يخلي المكان مريح لينا علشان نعرف نعبر عن نفسنا ونحكي حاجات شخصية بس للأسف كان بيستخدم ده لمصلحته علشان يتحرش بالبنات".
بينما فالت آخرى: "أنا حصل لي نفس الموقف اللي كل البنات اتعرضت له، والمفاجأة إنها طلعت نفس الطريقة حصلت لكذا بنت بحجة تمارين تخص الورشة اللي كنا فيها، ولما أنا حصل معايا حاجات غريبة في التمرين اعترضت ، وبعدت وكان رده إنتي جبانة ولازم تشيلي الخوف من عليكي علشان تقدري تطلعي اللي جواكي وتستفيدي لشغل الورشة وكلام من ده، بعدها أنا سكت وما كنتش عارفة أفكر ومشيت من هناك وما روحتش تاني".
