صفحة "حقوق المرأة": ياسمين عبد العزيز تواجه مصير وفاء مكي (اعرف التفاصيل)

وقال البيان: "ياسمين اتهمت مسئولي الصفحة تشويه صورتها لكن الصفحة أصدرت بيان تحدت فيه ياسمين و قال البيان: احنا صفحه محترمة و بندافع عن حق المرأه مهما كانت مين فقط وليس لنا اى اهداف اخري ولما نشرنا البوست الى نزل نشرناه لانه موثق بورق رسمي وحقيقي وغير كده مكناش هننشره وكمان من حق الفنانه المحترمه ياسمين عبد العزيز انها تطلع ترد وتقول اذا كان الورق ده حقيقي والى حصل ده حقيقي ولا لا مش تقول حمله مموله وحمله مدفوعه والكلام ده".

أضاف البيان: احنا حملة مش مدفوعة ولا لينا مصلحه الا الدفاع عن الحق واحنا لسه عاملين الصفحه دي جديده بدل الى اتقفلت لنا لاننا بنظهر الحقيقه وعلشان كده بنعمل اعلان ليها ولو مكناش اتاكدنا ان الكلام ده والورق ده حقيقي مكناش هننشره واحنا حمله للدفاع عن حق المرأه والعنف ضدها واسوء انواع العنف لما يجي من مرأه زيها

والاسوء لما تكون المرأه دي فنانه معروفه ومشهوره ومعروف عنها كلام عكس الى ظهر ده".

وأردف: "البوست كان موضح كل شئ وان الشغاله هربت من بيتها على السفاره الفيلبينيه خوفا منها ولو كان الموضوع بسيط او سهل مكانتش هتروح".

وتابع البيان: "المجلس القومي للمرأه و نيابه المعادي ويطلبو احضار الفنانه ويتحقق معاها وهي تضطر تنهي المحضر بالصلح علشان خايفه علي سمعتها لكن مش خايفه البنت حصلها ايه نفسيا وعصبيا".

وأضاف: "ومع احترامنا الكامل لاستاذ احمد العوضي انه بيقول مراتي خط احمر لا يا استاذ احمد الحق هو الخط الاحمر مفيش حد خط احمر .. ولو كنت عاوز ترد كان ممكن ترد علي الي حصل ده حصل فعلا وحقيقي ولا مش حقيقي".

واختتم البيان: "بس اظن انك مش هتعرف تعمل ده لانك عارف انه حصل وحقيقي وبمستندات بدل ما تقول حمله مدفوعه والكلام ده . تقول انه الورق ده مزور او مفبرك ولاكن ده ورق حقيقي ورسمي".

يذكر ان فتاتان تدعيان مروة و هنادي، كخادمتين لدى الفنانة وفاء مكي ، وبعد مرور 3 سنوات ، عادت مروة إحدى الخادمتين إلى قريتها في المنوفية وعلى جسدها آثار تعذيب شديدة وحالتها الصحية متدهورة، وقالت وقتها الخادمة لأهلها إنها تعرضت للتعذيب والكي بالنار في كامل جسدها هي والخادمة الأخرى هنادي من الفنانة وفاء مكي.