هاني شاكر في أول ظهور له بعد خروجه من المستشفى (فيديو)
الأربعاء 14/يوليو/2021 - 11:28 ص
طمأن الفنان هاني شاكر جمهوره ومتابعيه على حالته الصحية في أول ظهور له منذ مغادرته المستشفى بعد إتمام شفائه، حيث كان يعاني من مشاكل في القلب، أدت إلى إلغاء حفله بدار الأوبرا.
نشر هاني شاكر عبر حسابه الرسمي بموقع التوةاصل الاجتماعي "انستجرام"، مقطع فيديو مؤكد أن حالته الصحية الآن جيدة.
وقال هاني شاكر في الفيديو: "جمهوري الحبيب أنا بطمنكم الحمد لله بقيت أحسن، ربنا عدى الأزمة على خير بدعاكم، الحمد لله بقيت أحسن، الفترة اللي جاية هتكون فترة نقاهة".
وأضاف شاكر:"إن شاء الله طول ما أنتم معايا ربنا مش هيجيب حاجة وحشة أبدا، أنا بس بطمنكم علشان الناس اللي بستظرف وتقول أخبار مش مظبوطة وبتخض ناس كتير وبتعمل قلق على السوشيال ميديا، حسبي الله ونعم الوكيل في الناس دي".
واختتم شاكر: "أنا مبسوط جدا إني هشوفكم يوم 1 أغسطس على المسرح المكشوف في الأوبرا، وكل سنة وأنتم طيبين، وعيد سعيد عليكم وعلى الأمة العربية والإسلامية، ومصر دايما بخير، وكل سنة وأنتم طيبين".
