مي فاروق لـ حلا شيحة: "البس الحجاب لربنا مش لراجل"
الجمعة 16/يوليو/2021 - 11:47 ص
أثارت الفنانة حلا شيحة، حالة كبيرة من الجدل بعدما أعلنت عبر حسابها الرسمي بموقع إنستجرام، أنها تتبرأ من المشاهد الرومانسية التي جمعتها بالفنان تامر حسني في كليب أغنية "بحبك" بفيلمه الجديد "مش أنا".
علقت المطربة مي فاروق عبر حسابها الرسمي على موقع "فيس بوك"، قائلة: "أحترم جدا الست اللي تقرب من ربنا عشان حبها في ربنا ..اللي تبعد عن الدنيا تقربا من ربنا ..إنما تلبس حجاب عشان رجل وتتطلق فتقلعه وترجع تقول حلمي وبحاول ألاقي نفسي وتتحول 180 درجة!! وبعدين ترجع تلبس الحجاب عشان رجل تاني وتخبط في زملاء وفي وسط هي واحدة منه؟.. ما أقدرش أحترمها أبدا".
وتابعت: "البسي حجابك لربنا مش لرجل ..الرجل بيروح وييجي غيره ربنا هو اللي باقي واحترمي الناس عشان يحترموكي.. مش مشكلتهم إن ماعندكيش مبدأ".
وأضافت: "بكرة تتطلقي تاني وترجعي للوسط وللناس اللي بتقولي عليهم حرام دول بس ساعتها اللي هيشتغل معك أو يشغلك يبقي يستاهل اللي يتقال عليه وللا ده تريند جديد؟".
