"ضعيف من غيرك".. رسالة مؤثرة من أحمد العوضى لياسمين عبد العزيز بعد دخولها غرفة العمليات

وجه الفنان أحمد العوضى ، رسالة مؤثرة لزوجته النجمة ياسمين عبد العزيز بعد دخولها غرفة العمليات لإجراء جراحة عاجلة.

وقال " العوضى فى رسالته لياسمين عبد العزيز ، "يمكن ببان  قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا ... انا ضعيف جدا من غيرك انتي لازم تبقي كويسه ولازم تقومي بالسلامه ... انا لاول مره اكتب من غير ما اكون مفكر انا بكتب ايه وهكتب ايه ... بس انتي هتقومي ان شاء الله باذن الله عشان انتي وعداني وعد وهتتفذيه".

وتابع عبر صفحته الشخصية على موقع التواصل الاجتماعى " فيس بوك"، " انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره ... وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك .... قومي عشان انا بحبك...  بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا ... اكتر بكتير حتي من الموقف اللي احنا فيه دلوقتي .. انا بحبك  .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم ".

وكان الفنان أحمد العوضى ، قد أعلن دخول النجمة ياسمين عبد العزيز لغرفة العمليات ، مطالبا جمهورهم بالدعاء لها بظهر الغيب.

وقال " العوضى" عبر صفحته الشخصية على موقع التواصل الاجتماعى " فيس بوك" ، " الرجاء الدعاء بظهر الغيب لزوجتي وحييبتي ياسمين ... هي في العمليات ومحتاجه دعواتكم ..اللهم إنك أنت الشافي المعافي بقدرتك على كل شيء ..اللهم ارفع عنها البلاء والوباء واشفيها وعافيها".