أسما شريف منير عن نشر صورها بملابس مكشوفة: "شيطاني بيغلبني زي باقي البشر"

أعلنت الإعلامية أسما شريف منير تراجعها عن نشر أي صور  تبين مفاتن جسدها وتظهر فيها بملابس مكشوفة.

أوضحت أسما شريف منير عبر حسابها على موقع التواصل الاجتماعي "انستجرام"، أنها حذفت صورة نشرتها مؤخرًا، بعدما شعرت أن الشيطان تغلب عليها.

نشرت أسما صورة جديدة وكتبت موضحة: " مسحت الصورة اللي فاتت و قلت أنزل دي بس عشان ساعات شيطاني بيغلبني زي باقي البشر".

أضافت: "وساعات بحس بالذات بعد ما خسيت أني عايزه ألبس لبس حلو وبناتي كده وأفرح أني بقي شكله حلو عليا، بس الصح صح مش هقاوح، أنا أصلاً مش بحب ألبس لبس مكشوف في العادي بس انجرفت ورا الدنيا اللي مش باقية".

تابعت أسما شريف منير: " فا هقاوم الإحساس ده هركز مع نفسي وفي لبسي أكتر وهحاول أنقي لبس يكون معتدل، وحلو عشان أشجع نفسي والبنات اللي يتابعني أنهم يلبسوا لبس حلو في نفس الوقت مش مفتوح".

أكدت: "مش عيب أن الواحد يعترف بغلطه وطول الوقت يحاول أنه يبقي أحسن، وبشكر المتابعين اللي لفته نظري بطريقة ذوق".

اختتمت أسما شريف منير: "كل سنة وأنتم طيبين وحبايبي ودعمي، ربنا يفرح قلبنا كلنا ويهدينا بحبكم".