إسلام الشاطر: تخيلوا فى ناس لسه بتوصف موسيمانى بـ"الكفتجى"
الإثنين 26/يوليو/2021 - 11:29 م
شن إسلام الشاطر، نجم النادى الأهلى السابق، حربًا شرسة على جميع منتقدى بيتسو موسيمانى المدير الفنى للفريق الأول لكرة القدم فى النادى الأهلى لاسيما بعد إحرازه بطولتين لدورى أبطال إفريقيا.
وقال إسلام الشاطر فى تصريحات عبر قناة النادى الأهلى: "تخيلوا إن حد طالع يقول عن موسيماني اللي واخد بطولتين إفريقيا إنه "كفتجي"، ده ترد عليه تقوله ايه؟ ده نتفرج عليه ونقعد نضحك بس".
وأكمل: "حكام مين اللي بتساعد الأهلي في الدوري؟ الحكام دي بتساعدني في إفريقيا كمان؟"، وأضاف: "مش ذنبي إني باخد الدوري علي طول، هل مطلوب إن الحكام تحكم ضد الأهلي عشان حضراتكم تنبسطوا؟".
على صعيد متصل، طالب عدلى القيعى، مستشار مجلس إدارة الأهلى فى التعاقدات جميع فرق الدورى بإيقاف الممرات الشرفية التى يصنعوها للمارد الأحمر احتفالًا بالبطولة العاشرة التى أحرزها الأهلى على حساب كايزر تشيفز الجنوب إفريقى.
وقال القيعى فى تصريحات عبر قناة الأهلى: "كفاية ممرات شرفية لإنها تعني استمرار لحالة احتفالية مش مطلوبة"، وأضاف: "كلمت إبراهيم عبد الجواد بعد كلامه عن تصريحات سيد عبد الحفيظ، وقولتله: دور عبد الحفيظ أن يناقش أي قرار في الدوري طالما إنه مش بيتجاوز".
وأكمل: "لما اخدنا تالت العالم في اليابان 2006، رجعنا خسرنا 3 من الاسماعيلي، ده مش مقبول لكن بيحصل، لإننا بنتعامل مع بشر مش آلات، وأردف: "دائما البطولة التي يفوز بها الأهلي هي البطولة الأضعف من وجهة نظر البعض، لكن اللي يهمنا إننا نكتب التاريخ ونفوز بكل البطولات".
وأتم حديثه: "ليه الأهلي وافق يلعب اثناء الاولمبياد؟ عشان الاهلي قرر يركز على إفريقيا، وثانيا الأهلي ميقدرش يرفض طلب لمصر حتى لو على حسابه."
