أسماء مصطفى: "كنت بتعامل مع المسكنات زى البنبون لحد ما اكتشفت إن السرطان بياكل فى معدتى"

طالبت الإعلامية أسماء مصطفى بضرورة الذهاب إلى المستشفيات والخضوع للفحوصات الطبية وعدم الاعتماد على المسكنات حال الشعور بأي أعراض مرضية، لتفادي تدهور حالتهم الصحية.

وكتبت أسماء مصطفى عبر صفحتها الرسمية بموقع "فيس بوك"، "انا بكتب الكلام ده علشان عارفة ان فى ناس كتير بحبهم واتمنى نصيحتى  توصل للكل".

وأضافت "بالمناسبة انا كنت زى الشاب ده الله يرحمه مبشتكيش كتير كنت طول الوقت باجى على نفسى ابتلاءات فى حياتى خلتنى اخر حاجة افكر فيها ادخل مستشفى او اعمل اى فحص كنت بتعامل مع المسكنات زى البنبون والمسليات اتعب اخد مسكن واكمل مكنتش احب احسس الى حواليه بتعبى واخدها طول وعرض لحد ما اكتشفت ان السرطان بياكل فى معدتي".

وتابعت، "وحتى بعدها كنت بدور على علاج ميخليش اعراض تظهر عليه علشان اخبى على عيلتى واكمل شغلى وموجعش قلب حد لحد ما المرض غلبنى، نصيحة لوجه الله لم تتعبوا قولوا روحوا اكشفوا واطمنوا على نفسكم بلاش العادة السيئة اى دوا من الصيدلية ومسكنات ونكمل ارجوكم بلاش".

واصلت الإعلامية أسماء مصطفى حديثها، "صبرى على الالم وانى كنت باخد على حاجة على نفسى واعصابى خلانى مروحتش اكشف غير لما لاقيت نفسى فعليا بقع ولو كان المسكن يومها جاب نتيجة اكيد مكنتش هروح المستشفى من رحمة ربنا ان الالم كان اكبر من احتمالى ودلوقتى بتمنى يوم واحد بس بدون الم ، طولت عليكم ارجوكم خلوا بالكم من صحتكم".