السيسى: "مبقولش للناس متخلفش.. لكن مصلحتنا التنظيم علشان نعيش حياة كريمة"

تحدث الرئيس عبد الفتاح السيسي عن تنظيم الأسرة، والنمو السكاني المتزايد الذي بات يمثل خطورة واضحة على الدولة، قائلاً، "مبقولش للناس متخلفش، لكن من مصلحتنا تنظيم الموضوع ده علشان نعيش حياة كريمة.. إحنا جايين علشان نصلح.. متقلقوش خلونا نشتغل".

وفي وقت سابق، أضاف الرئيس السيسي "وجود نحو 4 ملايين طالب يعانون من السمنة المفرطة أمر يخص المصريين جميعًا، كما أن تحديد وتنظيم الإنجاب ينعكس على أمور كثيرة تخص صحة المصريين، قضية النمو السكاني في منتهى الخطورة، لما نيجي من 2011 إلى اليوم ما يقرب من 20 مليون زيادة ، طيب يا ترى الأسعار بتبقا غالية ليه لأن حجم الطلب بيزيد.. وبالطريقة اللى احنا ماشيين فيها في النمو السكاني كل الجهد اللى بنعمله.. إحنا مش بنمن على أهلنا وده دورنا ولو مش قادرين نمشى".