فريال أشرف تهدى الميدالية الذهبية للرئيس عبدالفتاح السيسى (صورة)

وكتبت عبر حسابها الرسمى على موقع التواصل الاجتماعى "فيس بوك": "الحمد لله دائماً و ابداً، وأحب أهدى الفوز بالميدالية الذهبية لبلدى مصر وفخامة رئيس جمهورية مصر العربية عبد الفتاح السيسى والسيد وزير الرياضة أشرف صبحى و اللجنة المصرية الاوليمبية وكل أسرة الكاراتيه والاتحاد المصرى ورئيس الاتحاد كابتن محمد الدهراوى وجهاز الرياضة العسكرى باكمله".

وأضافت: "احب اشكر كل واحد وقف معايا من اول بدأت كاراتية و وقفت قدامه على البساط لحد اللحظة ديه، واحب أن اخص بالشكر للكابتن خالد فضل لانه كان دايماً جانبى و بالاخص فى اصعب فترة بمر بيها فى عز كل المشاكل اللى كنت بمر بيها فى اخر فترة و بالرغم عمله كمدير مالى مصر للطيران باليونان و عدم تواجده داخل مصر و لم يبخل على بأى مجهود و ساعدنى بكل ما هو متاح فى ايده و سافرت و عسكرت معاه قبل البطولة و مسبنيش ولا لحظة لحد اخر ماتش ليا و كان فضله عليا كبير بعد ربنا".

وأكملت: "وايضا أخص بالشكر  للكابتن محمد على مخطط الاحمال و مدرب البدنى و تاهيل الاصابات روحتله و انا عندى اصابة و مكنتش بعرف اقف على رجلى بسببها و تعب معايا و قدر فى وقت قليل جداً اقف على رجلى واطلع احسن ما عندى و تعبته معايا و كان بيمرنى حتى و انا فى اليابان شكراً ليك، واخيراً احب اشكر منتخب مصر دكتور مراد عاصم مدير فنى المنتخب على دعمهم المستمر".

وأردفت: "ومدرب المنتخب كابتن هانى قشطة اللى عمل اقصى ما عنده فى الفترة اللى فاتت علشان اوصل للميدالية  تعبنا مع بعض كتير جدا من 2019 لحد دلوقتى ومرينا بحاجات اكتر، وكابتن تاتو رغم انه مش مدرب الفريق و لكن كان دايماً بيساعد و كنا فرقه وحدة، والكابتن احمد بياضة مخطط الاحمال و المعد البدنى للمنتخب كنت نعم الاخ و الصديق و كنت معايا فى كل وقت فى مصر و خارج مصر و فى معسكر البونان شكراً  على كل حاجه".

وأتمت حديثها: "ودكتور محمد عبد اللطيف دكتور النفسى دكتور مصطفى المسؤل عن التغذية  و دكتور احمد الصاوى اللى دايماً موجود معانا ووقف فى ضهرنا، يا رب مكنش نسيت حد بس كل واحد من دول له حق و فضل عليا بشكركم جداً لولاكم مكنتش الميدالية هتيجى، شكراً لكل اسرة الكاراتيه على الدعم و التشجيع، تحيا مصر دائما وابدا".