فتاة الدهس بالإسماعيلية: "اتصالحت مع أمى عشان قالولي هتترمى فى الشارع"

استغاثت الفتاة "رنيم وائل" عقب الاعتداء عليها من قبل والدتها وخالها بعد التصالح معهما والتنازل عن المحاضر التي حررتها ضدهما بسبب ضربها والاعتداء عليها وقيام والدتها بدهسها بسيارتها على خلفية رفضها ارتداء الحجاب.

وقالت "رنيم" خلال فيديو بث مباشر عبر حسابها الشخصي بموقع "إنستجرام"، إن والدتها وخالها وابنة خالتها اعتدوا عليها بالضرب مباشرة عقب خروجها من قسم الشرطة والتصالح معهما مباشرة، وقالت: "بنت خالتي مسكتني قصاد القسم وجابتني من شعري بعد ما خرجت متصالحة".

وتابعت الشابة: "أنا مش طالعة أعيط زي أمي وهستعطف الناس.. أنا خرجت من القسم وبوست إيد أمي عشان قالولي مش هتلاقي حتة تعيشي فيها وهتترمي في الشارع.. دلوقتي بفتح بالصدفة لقيت أمي طالعة بتقول للناس أني رميت نفسي قدام العربية.. أنا عايشة مرعوبة مين هيجيبلي حقي؟".

 

وأضافت: "أهلي بيهددوني.. مش سهل عليا الفضايح دي على الإنترنت أو إن مستقبلي يضيع بالسهولة دي بس أنا بتهدد لحد دلوقتي رغم اننا اتصالحنا.. أنا خايفة ومش حاسة بأمان".