"أمهات مصر": أولياء أمور طلاب الثانوية يترقبون لحظة إعلان النتيجة
الخميس 12/أغسطس/2021 - 02:24 م
تسود حالة من القلق والترقب بين أولياء أمور طلاب الثانوية العامة، استعدادا لإعلان النتيجة من قبل وزارة التربية والتعليم 15 أغسطس الجاري.
وطرحت عبير أحمد، مؤسس إتحاد أمهات مصر للنهوض بالتعليم، وائتلاف أولياء أمور المدارس الخاصة، سؤالا علي أولياء الأمور من الأمهات، قائله: "تخيلي خلال الساعات القادمة لقيتي التليفون بيرن، وحد بيقولك أنا وزير التعليم ومبروك إبنك من الأوائل، رأكشنك هيبقي شكله إزاي؟".
وتفاعل عشرات أولياء الأمور من الأمهات، حيث قالت ولي أمر: "مش عارفه بس ممكن يغمى عليا، بس بردوا هخاف جدا جدا جدا على بنتي من الحسد، بس هخدها في حضني واقفل باب البيت وأهرب بيها بعيد عن كل عيون الناس، وأدعي ربنا يحفظها حتى لو مش من الأوائل بردوا".
وأضافت ولي أمر: "أكيد سأسجد لله ويارب أفرح بإبني"، وذكرت أخري: "مافيش حاجة بعيدة علي ربنا هو وحده جبار الخواطر والقلوب"، وتابعت أخري: "أنا مش محتاجه بنتي تبقى من الأوائل أنا محتاجه الجبر والتوفيق من عند الله والرضا أيا كان"، واستكملت ولي أمر: "يارب أملي فيك ليس له حدود"، وقالت أخري: "يارب يفرح قلب كل طالب وولي أمر".
