الإعلامية أسماء مصطفى: "محدش بيسأل عليا علشان الناس مبتحبش النكد"

وجهت الإعلامية أسماء مصطفى، مُذيعة قناة إكسترا نيوز، رسالة مؤثرة إلى كل جمهورها ومحبيها، حيث أنها تعاني من ورم خبيث، مطالبة الجميع بعدم اللوم على الأشخاص الذين لا يقفوا بجانب أحد بسبب ظروفهم الشخصية التي لا يعلمها أحد غيرهم بسبب متاعب الحياة.

وكتبت عبر حسابها بموقع "فيس بوك"، بستغرب  شوية من حالة العشم الزايد الى طبعا محدش يقدر ينكر ان الاصول والذوق بتقول اننا نراعى مشاعر الاخرين ونقدر ظروفهم ونقف جنبهم ".

وتابعت: "متلوموش حد انه ما فضلش حزين على فراق شخص قريب او فضل يواسى عيلته ووقف حياته 

محدش بيعمل كده وده مش معناه انه مفيش غلاوة ولا حب او تقدير بس ده حال الدنيا الناس بتنشغل بحياتها وتدور على الفرح محدش بيحب النكد ".

أضافت: "محدش بيحس ولا يشيل همك غير اهلك الى معاك تحت سقف واحد عايشين معاك يوم بيوم وشايفين وجعك غير كده طبيعى كل واحد ينشغل بحياته ومش هيفضل قاعد كل يوم يسال عنك او يجى يطبب عليك 

متلوموش حد ودعوا الخلق للخالق متطلبش من حد يوقف حياته علشان حد تانى ولا تزعلوا من الاساس 

الى يقدرك ويراعيك من نفسه كتر خيره والى بيسال من بعيد كتر خيره والى مبيسالش كتر خيره انا عن نفسى عمرى ما بزعل ولا بلوم حد ودى نعمة".

واختتمت: " سيبوا الناس تنبسط محدش فى الزمن ده هيدور يتعس او ينكد على نفسه معاك ولا حد هيفضل يشيل هم حد العمر كله  ربنا يسعد كل الناس ويهون على كل واحد همه وحزنه ربنا العالم بحال العباد وهو وحده الى يقدر يصرف الكرب والهم والحزن".