سعد الصغير عن هجوم الجمهور عليه بعد تبنيه طفلين: التجارة مع الله فوق أي شيء

علق الفنان سعد الصغير على هجوم بعض من الجماهير عليه، بعد تبنيه طفلين متجولين بشوارع الإسكندرية، معتقدين أنه يبحث عن "الشو" والتريند.

وكتب سعد، عبر حسابه الرسمي على موقع التواصل الاجتماعي "فيس بوك"، قائلا: "أتمنى من الناس اللي بتقول شو وترند والكلام ده يسمعوا كويس الكلام اللي في المدخلة فقط اللي مش بتاع سعد الصغير ده مش محتاج الترند ولا محتاج حد يقول سعد عمل ومش عمل".

وتابع: "التجارة مع الله فوق أي شيء، يا ريت ناس اللي فاضية وبتكلم تعمل خير ولو عايز أعمل شو يا جماعة والله والله مش هعمل بطفلين عندي حاجات أكتر من كدا ممكن أعمل شو.. ربنا محدش بيضحك عليه.. وربنا يكرمنا ونفضل ونعمل خير".

وعن تعليق أحد المتابعين الهجومية، رد سعد الصغير، قائلا: "حضرتك كنت معايا وأنا بسلم بطرف صباعي ده حاجة تاني حاجة حضرتك هل من الطبيعي لو أنت حضرتك ممثل وأنت قولتلي أنا ممثل يبقي هتعمل فيلم أكيد لا ده حاجة.. لا يمكن أسلم على حد بهذه الطريقة".

وأضاف: " الحاجة التانية أنا أقدر أساعد ناس مريضة ناس بتموت من التعب من التشرد أطفال حد يتيم مش حضرتك سيب الصح وتقولي علشان يمثل بس مهما كان لازم طبعًا لو قالي كدا لو موهوب هقدر أساعد لكن يا ريت نهتم بخير أكتر ما بنهتم بكتابه وإحنا مش فاهمين حاجة صباح الفل يا مصطفى".