"خنقنى بالطرحة وقطع هدومى".. زوجة فنان تتعرض للاعتداء من صاحب عقار بالدقى (خاص)

وقالت "شاهيناز" فى تصريحات خاصة لـ"مصر تايمز": "لم يكن هناك خلافات سابقة بيننا وبين صاحب العقار.. وأنا محل سكنى مع زوجى وابنى بشقة والدته وهى إيجار قديم.. ولما توفت والدته روحنا نديله الإيجار كالمعتاد كان يحاول استفزازنا جدًا وقال ادفعوه بالمحكمة وضرب جوزى قدام الناس وضربنى بالبونيات فى وشي عورنى".

وتابعت: " بعد ما تم الاعتداء على زوجى بالضرب حررنا محضر بالقسم وانتهت بعدم التعرض من ناحيتنا ومن ناحيته ولكن لم يقف عند هذا الحد..قام بسرقة اللوحات المعدنية الخاصة بسيارتي ومن حسن حظى أنى مركبة لعربيتي كاميرا خاصة بالجراج وكاميرا لى بيتي..ولبس كيس زبالة وطلع يقطع اسلاك التليفون وحاول يكسر الكاميرات عشان معرفش اجيب حاجة تثبت تعديه عليا وعلى جوزى ".

وأضافت: " أنا أخدت تسجيلات كاميرات المراقبة ووديتها القسم ومن هنا حصلت مشاكل من تانى وبدأ يخبط عليا على أساس أنه راجل من الحى ويستخبى بالدور اللى تحت ونزلت فى مرة من المرات وقام بتقطيع هدومى بالكامل طلعت أجرى على شقتى وقفلت عليا من كتر الرعب والخوف".

واستكملت: " لما روحت أعمل بلاغ ضده أنا وجوزى بالجديد اللى حصل ضربنا وقطعلى هدومى فى الشارع وسحلنى هو والبوابة بتاعت العمارة ودخلت عربيتي بسرعة لما شافنى بصور كسرلى عربيتى بماسورة الغاز وأنا جواها انا وابنى 5 سنين".

وتداول رواد موقع التواصل الإجتماعى "فيس بوك" مقطع فيديو، يتضمن تعرض ربة منزل تدعى " شهيناز محمد"، للاعتداء من صاحب العقار التى تقطن به فى حى الدقى التابع لمحافظة الجيزة، حيث قام بالتحرش بها وسرقة اللوحات المعدنية الخاصة بسيارتها وقد رصدته كاميرات المراقبة بالجراج الخاص بالسيارات أسفل العقار، وعندما حاولت الذهاب للإبلاغ عنه تعدى عليها بتكسير سيارتها بآله حادة" ماسورة" وهى بداخلها برفقه طفلها التى يبلغ 5 سنوات. 

وقالت "شهيناز محمد": "أنجدونا يا بلد ..أنا وأبنى وجوزى كنا طالعين على النيابة عشان أقدم بلاغ فى صاحب العمارة للتحرش بى.. وهذا السبب اللى كل الناس سألت عنه..هو أتهجم علينا بالتهديد وتكسير السيارة وابنى خمس سنوات أنهار منى تمامًا".

واستكملت: "انتهز أنى فى النيابة ..وقطع وصلات التليفون وسرق كاميرات المراقبة بتاعتى عشان يخفى معالم تعديه علينا..وأنا قدمت بلاغ للنائب العام.. أرجوكم ساعدونى فى نشر الفيديو دا ..عايزة أسرع فى إجراءات الحكومة ..مش عشانى ولكن عشان أبنى خمس سنوات و داخل المدرسة شهر 9 الجاى دا ..ونفسى أوديه المدرسة وأمشى بيه فى الشارع وأنا مطمئنة".