محمد محمود عبد العزيز بعد الاحتفال بخطوبته: "فرحتوني بوجودكم معايا"
الخميس 26/أغسطس/2021 - 06:22 م
وجه الفنان محمد محمود عبد العزيز، رسالة شكر وتقدير لكل من شارك في حضور حفل خطوبته على سارة وهي فتاة من خارج الوسط الفني.
وكتب محمد محمود عبد العزيز عبر حسابه الرسمي بموقع التواصل الاجتماعي "انستجرام" : "مش عارف أقول ايه والله بجد فرحتونى جدا جدا بوجودكم معايا وحواليا، يا رب دايما متجمعين على الخير كله إن شاء الله، مش عارف أشكركم إزاى أو أقول أيه لكل واحد فيكم قطع أجازته أو جالي من مكان بعيد أو سهر معايا و هو عنده شغل تانى يوم الصبح بدري".
وأضاف: "شكرا شكرا شكرا من كل قلبي والله العظيم، ربنا يخليكوا ليا ومش قادر ماشكرش سارة صاحبة الفكرة والتجميعة الحلوة اوي دي اللي بجد عرفت تفرحني بوجودها في حياتي وجودكم معايا.. شكرا شكرا شكرا شكرا (اسألكم الفاتحه و الدعاء لابويا و لكل من رحلوا عنا)".
وفاجىء الفنان محمد محمود عبد العزيز جماهيره، بعدما كشف عن خطبته على فتاة من خارج الوسط الفنى، وسط احتفاله بعيد ميلاده، عبر حسابه على بموقع "إنستجرام".
وكتب الفنان محمد محمود عبد العزيز على الفيديو، قائلا: "خطيبتى عملتلى مفاجأة عشان عيد ميلادى وبرغم إننا متفقين من أول يوم إننا مش هانفاجئ بعض بأى حاجة بس هى كانت عايزة تفرحنى بأى طريقة وجمعتلى أصحابى وحبايبى اللى بجد عايز أشكرهم جدا واحد واحد وواحدة واحدة بجد مش عارف أقولكم ولا اشرحلكم وجودكم فرحنى إزاى ووالله ما كنت عايزكم تروحوا".
وتابع: "المهم بقا إن أنا من يومين حسيت إحساس أقرب إلى اليقين انها بتحضر لحاجة وقررت جوايا إن لو طلع إحساسى صح أنا كمان لازم أفاجئها وفى نفس اليوم وده كان ردى على مفاجئتها، اسألكم الفاتحه و الدعاء لابويا و لكل من رحلوا عنا".
