سارة عبد الرحمن عن دلال عبد العزيز: "عرفت منها يعنى إيه بركة وتواضع.. وحشتينى"

وجهت الفنانة الشابة سارة عبد الرحمن رسالة للنجمة الراحلة دلال عبد العزيز ، مؤكده إنها حتى الأن لم تستوعب رحيلها ولا يوجد كلام يكفي عنها.

وقالت سارة عبر صفحتها الشخصية على موقع التواصل الاجتماعي "فيس بوك" ،" يمكن لو كتبت استوعب؟ ماعرفش بس اما بافكر اكتب باحس ان مفيش كلام يكفي. عشان اكون صريحة البداية ماكانتش حب من أول نظرة خالص.. اخدنا شوية وقت و كام موقف كدة عشان نحب بعض و شوية وقت كمان عشان نكون اصحاب. بس بعديها عرفت يعني ايه صداقة و يعني ايه ضهر و يعني ايه لذاذة و ضحك و يعني ايه بركة و يعني ايه تواضع و يعني ايه طيبة نقية كدة من غير اي حاجة. كل دة كوم و الحاجات اللي اتعلمتها في الشغل اللي هاتفضل حلقة في ودني كوم تاني".

وتابعت "باكتب و برضه مش قادرة لسا اصدق و عمالة اسمعك و انتي بتقوليلي "ياللا يا نصاابة". ديدي، انا باحمد ربنا اني عرفت ملاك زيك و عمري ما هانساكي ابدا عشان انتي ماتتنسيش. وحشتيني اكتر مانتي كنتي اصلا وحشاني. بحبك".

وشاركت سارة عبد الرحمن النجمة الراحلة دلال عبد العزيز فى مسلسل "سابع جار" الذى حقق نجاح كبير وقت عرضه وكانت تقوم سارة بدور ابنتها فى المسلسل.