"تحرش جماعى".. قصر يعتدون على فتاة أمام خطيبها بأكتوبر (صور)

وقال المهندس "محمد وهبى" أحد سكان منطقة الشيخ زايد فى تصريحات خاصة  لـ"مصر تايمز": " دول مجموعة من القاصرين كل يوم تحت البيت هنا عاملين إزعاج للسكان بشكل مش طبيعي".

وتابع "محمد" : " هم بيعملوا إزعاج بتشغيل موسيقى بصوت عالى من خلال سماعات كبيرة على الموتوسيكلات اللي معاهم .. ده غير لف كتير بالموتوسيكلات وإنها صوتها عالي جدًا.. وكمان بيقعدوا يهزروا مع بعض وأحيانا بتحصل بينهم خناقات".

واستكمل: " اللي حصل إمبارح إن فى حد منهم أتحرش بواحدة كانت ماشيه مع خطيبها وهي ردت علي واحد منهم دفاعًا عن نفسها.. فبدأ يرد عليها أنتي عبيطه ولا إيه وبدأ اللي معاها يدافع عنها والولد ده راح مسك طوبه علشان يضربه بيها وكان الموضوع كبير ولكن هما خدوا بعضهم هي وخطيبها وجريوا وفضلوا المتحرشين بيها يشتموا بصوت عالى".