الإعلامية أسماء مصطفى لـ مهنئيها بعيد ميلادها: "هونتوا عليا الوقت"
الأحد 05/سبتمبر/2021 - 10:05 ص
وجهت الإعلامية أسماء مصطفى، مُذيعة قناة إكسترا نيوز، رسالة شكر وتقدير لكل أصدقائها الذين هنأوها بمناسبة عيد ميلادها، تزامنًا مع ابتعادها عن الإعلام نظرا لإصابتها بالسرطان.
وكتبت أسماء مصطفى عبر حسابها الرسمي على موقع التواصل الاجتماعي "فيس بوك": أنا بجد مهما قولت مش عارفة أشكركم إزاي لكل الناس الحلوة الجميلة اللي حواليه أنا فعليا كنت مليش نفس حتى أفتكر عيد ميلادي ولا كنت حتى قادرة أبتسم بسبب المعاناة اللي أنا فيها ربنا يكفيكم شرها بس لو شفت الرسايل الجميلة والمعايدات والدعوات لاقتني فرحت أقوى".
وتابعت: "حسيت بأعمة الحب وجبر الخاطر حقيقى اسعدتوني وهونتوا عليه الوقت اللي بمر بيه شكرا لكل اللي افتكرني وبعتلي وأهتم وطبعا دعواتكم ربنا يتقبلها اللي بتكون أكثر حاجة محتاجة ليها وأعذروني لتقصيري في الرد والله غصب عنى ربنا يكفيكم شر المرض اللعين وكل الأمراض ويشفى كل مريض ويفرحكم زى ما فرحتوني".
وكانت الإعلامية أسماء مصطفى قد أعلنت إصابتها بالسرطان، معتذرة عن غيابها الفترة الماضية وعدم قدرتها على الرد على سؤال محبيها، كاشفة أنها كانت تتلقى علاجها.
وكتبت أسماء مصطفى عبر حسابها الرسمي بموقع التواصل الاجتماعي "فيس بوك" : "انا بعتذر طول الفترة الى فاتت عن الاختفاء وعدم الرد غصب عنى الحقيقة انى بقالى كام شهر مش عارفة ارد او اكتب اقول ايه لمعظم الناس وده كان علشان امى وعيلتى لحد ما يستوعبوا القصة وبعد ما عرفت ورضيت خلاص مش فارق معايا خلاص".
