ابنة ماهر سليم بعد وفاة والدها: "عقلي رافض كل اللي حصل"

كتبت الممثلة الشابة أسماء ماهر، رسالة لوالدها الفنان الراحل ماهر سليم، والذي رحل عن عالمنا الخميس الماضي بعد صراع مع مرض سرطان الدم.

وقالت عبر حسابها الرسمي بموقع التواصل الاجتماعي "فيس بوك" :"بابا! أنا مش قادرة أكتب ولا أرد على حد ولا أعمل أي حاجة غير أني أسكت وللأسف مش مستوعبة إن كل ده حصل عقلي رافض كل اللي حصل واللي بيحصل".

وأردفت: "الموقف ده اتكرر النهارده وكأنه كان بيحكيلي اللي هيحصلي أو بيمهدلي، يوم وفاة بابا 9/2 كان عندي افتتاح عرض (محل اللعب) على مسرح الهناجر بالأوبرا، أنا دفنت بابا الصبح واتصلت بالمخرج قولتله إني جاية العرض بالليل، وطبعا بما إن الزمن غير الزمن، المخرج إيهاب ناصر رفض وأصر إني مجيش يومين، وبالفعل حصل..ولكن النهاردة أنا نزلت عرضت كوميدي، الإحساس قاتل وأنت بتعمل عكس اللي جواك، إحساس قريب من الانهيار الداخلي، أنا بس عايزة أقول أنا شبهك في كل حاجة مش بس شكلك، أنت دلوقتي في مكان يليق بنقاء روحك، بس وحشتيني أوي يا بابا ووجعتني أوي أوي".