الرئيس السيسي لـ"حدادة بالمنصورة": " تصدقي بالله.. أنا بتشرف إنى بكلمك وإنتي فخر لكل المصريين"

قال الرئيس عبد الفتاح السيسي موجها حديثه لبوسي سعد أول سيدة حدادة بالمنصورة " ربنا يكرمك ويعينك على المهمة الكبيرة اللى إنتي بتقومي بيها.. تصدقي بالله أنا بتشرف إني بكلمك والصورة اللى جات فى التليفزيون فخر لكل المصريين".

وقال الرئيس إنه يريد أن يري مصر أفضل وأحسن بلد فى الدنيا ، مؤكدا أن حب مصر ليس بالكلام ولكن بالعمل والفعل.

وتابع الرئيس فى مداخلة هاتفية مع الإعلامي يوسف الحسيني ببرنامج التاسعة " لو بنحب بلدنا مستعدين نشقي علشانها" ، وتابع الرئيس إنه بدأ القراءة مبكرا وأول ما قرأ كان يقرأ للكاتب الراحل محمد حسنين هيكل.. وأن دراسته لحالة مصر كانت موضوعية فى كل المجالات التى تهم المواطن".

واستجاب الرئيس عبد الفتاح السيسي ، للحدادة بوسي سعد وهى أول سيدة تعمل بمهنة الحداة والتى طالبت بتوفير شقة وورشة لها"، ووجه الرئيس بالاهتمام المباشر بالسيدة وتلبية كافة طلباتها.

وكانت "بوسي"، قد ذكرت في تقرير عرضه برنامج التاسعة مع الإعلامي يوسف الحسيني، أنها تعمل في مهنة الحدادة منذ 7 سنوات، ولديها 4 اولاد، " أبويا كان راجل كويس، وكان عنده 11 بنت، جوز 10 وساب لي واحدة، أنا اللي جوزتها".

وتابعت: " أبويا كان واخدنا زي اصحابة، ومكنش عاوزني اشتغل عند حد، أنا بجيب حديد وأقطعه، نفسي في ورشة، مش عاوزه أشتغل عند حد".