تامر حسني يحقق أمنية فتاة كفيفة ويغني معها "خليك فولاذي"

ونشر النجم تامر حسني، فيديو مع مريم النجدى، على حسابه الرسمي بموقع "انستجرام"، كما تشاركا الغناء، وقدمت مريم معه أغنية "خليك فولاذى"، وكانت مفاجأة كبيرة لها.

أعادت الفتاة مريم النجدى، نشر فيديو لقائها على صفحتها بموقع "فيس بوك"، معبرة عن سعادتها قائلة: "من زمان وأنا كان نفسي أغنى مع تامر وأخيرًا الأمنية اتحققت.. إيه دا قد إيه فنان رائع ومختلف ومفيش زيه، لكن كمان شخص جميل جمال، فعلًا إنسان حقيقى من غير أى تكلف".

وتابعت: "يوم عمرى ما هنساه بكل تفصيلة فيه، قد إيه كان بيشجعنى بكلامه وبطاقته الجميلة، وفعلا كان حريص إن التراك يطلع محترف وزاده جمالا بصوته الجميل والأجمل إنه خلانى المس وشه واعرف ملامحه بإيدى وكان بيشرحلي كل حاجة وبيعملي كل حاجة بنفسه.. شكرا تامر على كل حاجة ودايما أغانيك تفضل موجودة في كل مراحل حياتنا وتعيش طول العمر.. شكرا يا تامر، وطبعا شكرا لمهندس الصوت الجميل اللى اتشرفت بيه جلال فهمى، وشكرا لكل اللى كانوا سبب فى اللقاء دا".