بسمة وهبة: عايزة ارجع مصر مخنوقة ومش قادرة أقعد في لندن

أكدت الإعلامية بسمة وهبة من خلال مقطع فيديو لها في لندن نشرته عبر قناتها على موقع "يوتيوب"، أنها بخير، وخرجت من المستشفى مؤخراً، وعبرت من خلاله عن رغبتها في العودة لمصر، وظهرت بسمة في الفيديو وفي خلفيتها صوت القرآن الكريم، وكانت تمسك مسبحة صفراء في يدها.

وأردفت بسمة قائلة: "الحمد لله أنا خرجت من المستشفى لكن أنا مخنوقة ومش قادرة أقعد في لندن، وقلت للدكتور بتاعي ليه عايزني أقعد فقالي أي حد يعمل عملية لازم يبقى جنب الدكتور والمستشفى، وأنا اقترحت عليه اقتراح قولت له لو أنا تعبت أو جرى لي حاجة هبقى أجي وأنا عندي يقين أني هبقى كويسة لأني في مصر ببقى كويسة".

وتابعت: "جوزي وحشني وبنتي خديجة وحشتني وأهلي وحشوني ونفسي أنزل عشان أروح لعبدالعزيز وعبدالرحمن وأسافر لهم لو ربنا أراد وسهل ومش قادرة أقعد في لندن بتخنق واديني قاعدة في الأوتيل عاملة إيه يعني ولا حاجة".

وعلقت بسمة حول تأجيل حفل خطبة أبن زوجها نادين، مؤكدة على أنها كانت السبب في تأجيل حفل الخطبة، قائلة: "الغلبانة نادين بنت جوزي علاء عايزة تعمل خطوبتها بقالها 3 شهور وأنا مطلعة عنيها وهو في عز ماهو محتاج زوجته وأنا تعبانة وعاملة عملية وهو اللي بيعتذر لي أنه مش معايا وأنا اللي بعتذر له أني مش معاه والمفروض أبقى واقفة جنبه ومعاه الله يصلح حاله وييسر له اللي فيه الخير".

وفي سياق متصل، سافرت بسمة خلال الفترة الماضية إلى لندن، بعد تعرضها لوعكة صحية، ‏لتجري بعض الفحوصات الطبية، حيث أنها اكشفت مؤخرًا أنها تعانى من مشكلة في المعدة بالإضافة إلى نزيف، وقالت عن حالتها أنها غاية في الصعوبة، وتمكن طبيبًا إنجليزيًا ‏من تشخيص حالتها، بلإضافة إلى أنها أُصيبت بالسرطان خلال السنوات الماضية، ‏وتعافت منه بعد رحلة علاج طويلة.‏