"ماقدرش أستغنى عنك".. الملحن سامر أبو طالب ينهي خلافه مع زوجته رنا سماحة

أعلن الملحن سامر أبو طالب انتهاء خلافه مع زوجته الفنانة رنا سماحة، حيث نشر عبر حسابه الرسمي بموقع التواصل الاجتماعي "إنستجرام" فيديو له مع زوجته التي أعادت نشره عبر حسابها.

وكتب أبو طالب في التعليق على الفيديو: "أولا الحمدلله ثانيا هقول الكلمتين الجايين دول ل ( أم مالك ) مراتي و حبيبتي و أم ابني اللي اكتشفت في الفترة اللي فاتت دي إني ماقدرش أعيش من غيرها ولا حتى بكون مبسوط في أي حاجة حتى أبسط الأشياء هي لازم تكون فيها معايا".

وتابع: "بحبها أوي بجد يمكن كنت أوقات بعند بس اكتشفت إني فعلا ماينفعش أكون غير ليها و هي ماتنفعش تكون غير ليا آسف لو زعلتك في أي حاجة و ربنا يباركلي فيكي و يحفظنا من كل شر و يبعد عنا الحسد و الحقد و اللي كارهين يشوفونا مرتاحين و هاديين و الحمدلله دائما و أبدا".

وأضاف في رسالته: " نيجى بقى ل ( برنس قلبي ) ابني و قرة عيني حبيبي و صاحبي و أخويا اللي لسه ماشوفتوش ( مالك ) مش هقولك غير إني بحبك و لما تيجي بالسلامة هقولك حاجات كتير أوي نفسي أقولهالك و مش هتفارق حضني أبدا. بحبك يا رنا و بحبك يا مالك. شكراً للناس اللي كانوا بيكتبولي كلمة حلوة عشان عاوزين يشوفونا تاني مع بعض."