أحمد سعد يمازح زوجته: بسمة وهبة هتخسرنا بعض عشان الحلقات الجاية

كشفت علياء بسيوني تفاصيل تعرفها على زوجها الفنان أحمد سعد، موضحةً: "هو بيتمرن على طول، لكن انا بتمرن شوية وهو بيتمرن شوية، ومدربنا نفس الشخص، وبدأنا نتكلم ونشوف بعض بره الجيم".

وأضافت بسيوني، خلال حوارها مع الاعلامية بسمة وهبة مقدمة برنامج "90 دقيقة"، الذي يعرض عبر شاشة "المحور"، أنها لم تتوقع أن تتزوج أحمد سعد: "لما قلت لماما إن احمد سعد صحبي وإيه رأيك يجي يتعرف عليكِ كان الموضوع بالنسبة لها خيال علمي بشبب مشكلاته".

وعلق أحمد سعد قائلا: "ساعات الناس بتسمع عني الحاجات اللي بتتقال عني في السوشيال ميديا، فبتتكون عني وجهة نظر، لكن والدتها دلوقتي بقت حبيبة قلبي". 

وأشارت زوجته، إلى أنها شخص فضولي تحب الشخصيات المرحة والمنطلقة، ليرد أحمد سعد ممازحا: "إيه الشخصيات دي؟! اسمها شخصية واحدة بس، خدي بالك بسمة وهبة جاية تخسرنا بعض عشان الحلقات الجاية". 

وواصلت: "حصل بيننا انسجام كبير، ولما أقوله مسافرة السخنة أو إيطاليا كان يقولي أنا هناك ويعدي عليّ، وإحنا الاتنين برج الأسد ودي حاجة مرعبة وصعبة جدا".