علياء بسيوني: بنتخانق كل يوم خميس.. وسعد يرد: أهلها اعترضوا على جوازنا (فيديو)

قال "سعد": "مفيش حد معترضش، أنا متصالح مع الموضوع، لأني بشوف الحاجات اللي بتتكتب عني وعدد الناس اللي بتهاجمني من غير ما تعرفني، وكل ده مش بيضايقني، لكن اللي يضايقني إن حد يعرفني يبقى عنده نفس وجهة النظر دي".

وذكرت علياء بسيوني، أنها أرادت جس نبض والدتها للتعرف على رأيها في ارتباطهما: "مخدتش بالها، وقالت لي إن في حد جايب لي عريس، لكن أنا قلت لها الكلام ده مش شخصيتي خالص، وكلمت أخويا وقلت علي اللى حصل، وطلبت منه يقابله، واتفقنا على معاد".

وواصلت: "قبل المعاد قالي مش هينفع، قالي كتبت اسمه على جوجل لقيت كوارث، فقلت له إحنا اتفقنا على معاد، ولو انت قلت لأ، أوعدك إن الموضوع خلص أنا مبرجعش في كلامي، ولما نزلنا نتقابل، نسيتهم لأنهم قعدوا يتكلموا مع بعض واتقابلوا تاني يوم، ولما اتجوزنا وبقينا نتخانق كل يوم خميس وأقول لماما مش عاوزة أشوف وشه تاني كانت تطلب مني أرجع له، ودلوقتي مبقيناش نتخانق خالص".