أحمد سعد يغازل زوجته ويفضلها على علاقاته السابقة: "أول مرة أرتبط في حياتي" (فيديو)
الأربعاء 29/سبتمبر/2021 - 09:36 م
تحدث الفنان أحمد سعد، عن الفارق بين الزواج من الوسط الفني والزواج من خارج الوسط، إذ تزوج مؤخرا من علياؤء بسيوني، قائلا: "أول مرة أرتبط في حياتي، وده بسببي أنا، في حاجات كتير في حياتي معملتهاش عملتها دلوقتي، وكنت دايما ناقم عليها، مكنتش بعمل حاجات الناس الطبيعية لكن مع علياء عملتها بسبب السن والاختلاف".
أضاف سعد خلال حواره مع الإعلامية بسمة وهبة مقدمة برنامج "90 دقيقة"، الذي يعرض عبر شاشة "المحور": "كنت ناقم على الخطوبة وقراية الفاتحة والشبكة وإننا ننزل نجيب العفش مع بعض، طول عمري ببص على الحاجات دي إن اللي بيعملها ناس قديمة، لكن اتضح لي إن أي حاجة لها علاقة بالعرف ليها أسباب، ومفيش أحلى منها".
وتابع: "بعد ما كنت شخص مهرجل بقيت أخاف إن حد يدوس بالجزمة على السجادة لأني تعبت فيها واشترتها وفرشتها وفضلت واقف بعيد عشان أشوف شكلها، وشاركت مع علياء في كل تفصيلة وبقيت أخاف أزعلها لأنها مكنتش رخيصة وغالية جدا في كل موقف بيننا، تفاصيل الحياة بيننا مكنتش مقلوبة وكانت زي ما بتحصل في أي حياة طبيعية".
لترد علياء، قائلة: "أول ما عرفته وقالي هنتجوز ونقعد في الفيلا وبعدين نعملها زي ما إحنا عاوزين، لكن أنا قلت له هنقعد في شقة صغيرة نفرشها براحتنا".
