"حماتي كانت رفضاني".. ملخص تصريحات أحمد سعد وزوجته في "90 دقيقة"

تحدث علياء بسيوني عن إن أول لقاء جمعهم كان من خلال أحدى صالات "الجيم" حيث قالت : "أنا كنت بتمرن شوية، بس كان مدربنا نفس الشخص، فبدأنا نتكلم ونشوف بعض بره الجيم".

كما عبرت عن رفض والدتها لأحمد سعد بسبب مشاكله السابقة لكنها عندما تعاملت معه غيرت رأيها، و رد أحمد سعد قائلا : ""ساعات الناس بتسمع عني الحاجات اللي بتتقال عني في السوشيال ميديا، فبتتكون عني وجهة نظر، لكن والدتها دلوقتي بقت حبيبة قلبي".

بينما تحدث علياء عن النتقادات التي توجه لأحمد سعد بسبب مشاكله العاطفية السابقة، فردت قائلة: "أحمد لو كان وحش، كان هيبقى له رد فعل في أي حاجة من المشاكل اللي حصلت، مش معقولة دايما القصة تبقى من طرف واحد، مش معقولة المشاكل كلها تيجي من طرف واحد، في جانب مفقود من القصة، ولو كان وحش كان رد ودافع عن نفسه".

بينما كشف النجم أحمد سعد إنه كان يظهر الكثير من الاهتمام حتى يحصل على حبها، فلقد حبها من أول نظرة، حيث قال: "كنت حريص على إني أعبر عن حبي بالتصرفات، وحبتها أول ما شفتها وهي مختلفة جدا عني وعن أسلوب حياتي في كل حاجة".

أظهر الفنان أحمد سعد حبه للحياة العادية، فلقد أعجب بأن زواجهم أخذ المنحنى التقليدي العادي، حيث قال:"كنت ناقم على الخطوبة وقراية الفاتحة والشبكة وإننا ننزل نجيب العفش مع بعض، طول عمري ببص على الحاجات دي إن اللي بيعملها ناس قديمة، لكن اتضح لي إن أي حاجة لها علاقة بالعرف ليها أسباب، ومفيش أحلى منها".

و أضاف :"بعد ما كنت شخص مهرجل بقيت أخاف إن حد يدوس بالجزمة على السجادة لأني تعبت فيها واشترتها وفرشتها وفضلت واقف بعيد عشان أشوف شكلها، وشاركت مع علياء في كل تفصيلة وبقيت أخاف أزعلها لأنها مكنتش رخيصة وغالية جدا في كل موقف بيننا، تفاصيل الحياة بيننا مكنتش مقلوبة وكانت زي ما بتحصل في أي حياة طبيعية".