يوتيوبر شهير يستغيث من والده: "لامم سكاكين البيت ومعرضين للموت أنا وأخواتي"

استغاث شاب يدعى "وئام"، مقيم بالجيزة، من تعنيف والده، البالغ من العمر 55 سنة، لاعتدائه الدائم عليه وعلى والدته وعلى أشقائه، واحتجازهم داخل الشقة، والتعدي عليهم بالضرب والسب.

واستكمل: " أحنا السنة اللي فاتت حاولنا نرفع عليه قضايا وناخد حقنا منه بالقانون طردنا من البيت بالهدوم اللي علينا وفضلنا فترة كبيرة متبهدلين ومتمرمطين وهو ولا على باله حتى أطفاله الصغيرين عايشين ازاي ولا فين.. لحد ما جالنا تمكين بالمكان ومن بعدها وهو خاف وحاول يصالحنا ويرجعنا البيت واحنا قررنا نديله فرصة.. بس شهر في التاني ورجع لعادته القديمة ورجعنا لنقطة الصفر من تاني .. ولانه عارف ان معانا تمكين بالمكان بقى عايز يعمل اي حاجة علشان يطلعنا من البيت واخرها انه حاول يقتلنا".

واختتم: "أنا عارف انكوا هتتفاجئوا وتتصدموا كمان.. لاني أكاد أكون باين عليا حد طبيعي عايش حياة رايقة وبيعملكوا فيديوهات بتضحك وبتسليكوا .. بس للاسف مش كل اللي بنوريهولكوا ع السوشيال ميديا هو الحقيقة.. أنا وأمي وأخواتي بقالنا سنين بنعاني لوحدنا ومحدش حاسس بينا ..أنا مقررتش أنشر شيء زي ده إلا لما خلاص ضاقت بينا الدنيا ومبقيناش عارفين نعمل إيه ولا لينا حد يحمينا من الراجل ده ويوقفه عند حده .. لعل وعسى الفيديو ده يساعدنا اننا ناخد حقنا منه بدون ما نتعرض لأي اذية مرة تانية".