هنادي مهنا: "كنت فاكرة الجواز كيوت ومين يصحى يفطر التاني"

حلت الفنانة هنادي مهنا ضيفة على برنامج "أسرار النجوم"، مع إنجي علي، وتحدثت خلال اللقاء عن مرور عامًا على زفافها على الفنان أحمد خالد صالح.

وقالت هنادي مهنا: "كنت فاكرة الجواز كيوت، ومين يصحى يعمل الفطار للتاني، لكن طبعا كل الكلام دا في الشلاحات.. صوت المنبه دا مزعج وبنسمعه من أول يوم ومفيش اللي الناس فاكراه دا مش حقيقي، لأني كنت فاكرة كده البيت كله شمس وستاير بيضا".

وأضافت: "الزواج هو نفس حياة الشخص قبل الزواج لكن يضاف إليه شخص جديد يعيش يومه معه، ويجمعهما تفاصيل جديدة وأشياء سيعتاد الطرفان عليها".

ووجهت رسالة إلى زوجها، قائلة: "شكرا أنه استحملني.. عايزة أصقفله برافو بجد أنه استحملني دي كبيرة، ويا رب أفضل معاه طول حياتي لأنه عزيز على قلبي قوي".

وتابعت: "أول حاجة قربتنا من بعض إننا شايلين اسمين مينفعش نغلط مش أي حد بيشيلها وتحملنا المسؤولية وهي الحاجة المشتركة اللي قربتنا من بعض".