نشوى مصطفى للمتزوجين: نهونها ونطبطب وناخد ثواب في بعض (فيديو)
السبت 09/أكتوبر/2021 - 08:10 م
قدمت الفنانة نشوى مصطفى، نصائح للمتزوجين تدعمهم في حل المشاكل الزوجية وتدعو لتحمل صعوبات الحياة.
قالت نشوى مصطفى خلال برنامج "بنت البلد" المذاع على قناة "صدى البلد 2": "الدنيا فيها حاجات صعبة كتير، بس الجدع اللى يقدر يتغلب على صعوبات الحياة".
أضافت: "طولها مش زي عرضها، والدنيا طولها بطول عمرك وعرضها إنك تقدر تتغلب على المشاكل اللي فيها"، متابعة: "الدنيا فيها مشاكل كتير علشان كده بقول نهونها على بعض خاصة للمتزوجين لما يكون الزوج جدع يحتوي زوجته والزوجة بنت اصول اللي تقف مع شريك حياتها".
تابعت نشوى: "الجدعنة والرجولة إنك تبقى مقتنع تماما إن ربنا نفخ فيك من روحه وفضلك على جميع المخلوقات وكده مينفعش تكون مكتئب ومضايق طالما فيك الروح"، مضيفة: "الطبطبة واللين بين الزوجين أمر ضروري وناخد ثواب في بعض".
