مريم عياد: الرئيس السيسي مش بيكسر بخاطر حد.. وطلب ليّ كرسي متحرك
الإثنين 11/أكتوبر/2021 - 10:43 م
قالت مريم عياد، مصابة سرطان وإحدى العارضات في معرض تراثنا، والتي أوصى الرئيس عبدالفتاح السيسي بتوفير العلاج لها: "لم أشعر إني لدي حديث أقدر أقوله للرئيس السيسي لأنه حس بيا من غير ما أتكلم وعرف أنا عايزة أقول له إيه وأطلب منه إيه".
أضافت مريم عياد، خلال مداخلة هاتفية مع الإعلامي خيري رمضان وكريمة عوض، في برنامج حديث القاهرة، المذاع عبر قناة القاهرة والناس: "كل اللي عايزة أقوله للرئيس السيسي، إني عايزة أترحم على الست اللي ربته ربنا يغفر لها ويرحمها".
تابعت: "الرئيس السيسي مش بيكسر بخاطر حد أبدا معروف عنه إنه جابر للخواطر، وطلبت منه العلاج على نفقة الدولة"، متابعة أنه ابتسم لها وقال: "خلاص متكلميش أنا هعمل اللازم واللي أشوفه صح".
أكملت: "الرئيس السيسي طلب لي كرسي متحرك من نفسه دون أن أطلب منه ذلك، وجالي الكرسي خلال ساعتين قبل أن أغادر معرض تراثنا".
