رامى جمال يعتذر لزوجته: مش هتكلم فى حياتى الشخصية تانى على السوشيال ميديا
الأربعاء 13/أكتوبر/2021 - 09:27 م
وجه المطرب رامى جمال اعتذار لزوجته بعد منشور له أمس هنأها خلاله بعيد ميلادها بطريقة كوميدية رأها البعض إنها تقليل منها، بعد وصف يوم ميلادها بيوم الزلزال والبرق والرعد وقوله " بفكر أطلقك".
وقال " جمال" فى رسالة اعتذاره على موقعه الشخصي على " إنستجرام" ، آسف لو اتضايقتي يوم عيد ميلادك مني بشكل مباشر او غير مباشر.. اصابني عدم التوفيق في استخدام كلامك وهزار اعتبروه البعض استهزاء او انتقاص من اهم شخص في حياتي رغم اني عارف وواثق في تفكيرك وطبيعه حياتنا اللي بمميزاتها وعيوبها قررت انها تكون مش للعلن".
وتابع " اسفلك واسف للي ضايقهم الموضوع وشكرا جدا ليكي واللي فهموا قصدنا من الاول بس الدرس المستفاد اني غلطت في نشر حياتي للعلن اوعدكم مفيش كلام غير في اللي بشتغل فيه.. بحبك".
وكان المطرب رامي جمال، قد هنأ زوجته بمناسبة عيد ميلادها، حيث وجه لها رسالة تهنئة عبر حسابه الرسمي بموقع التواصل الاجتماعي "انستجرام".
ونشر رامي جمال صورا تجمعه بزوجته، وتحدث عن عيد ميلادها وارتباطها بعدد من الكوارث.
كتب رامي: "يارب أنت عارف أني اتجوزتها وهي عيد ميلادها ذكري الزلزال القوي اللي جه مصر، والنهارده عيد ميلادك برق ورعد وحاجة فله".
أضاف: " كده عرفت أنا ليه لما غنيت سقف كورونا غزت العالم، الحمد لله أننا مخلفناش لأني واثق أن ابننا كان أكيد هيبقي المسيخ الدجال، نهاية العالم هتبقي بدايتها من بيتنا".
