أسماء مصطفى عن مهرجان الجونة: "ماسكين في الفساتين وسايبين الأفلام اللي بتتعرض"

عبرت الإعلامية أسماء مصطفى، عن رأيها في الدورة الخامسة من مهرجان الجونة السينمائي الدولي، موجهة رسالة لكل من ينتقد فساتين الفنانات على الريد كاربت وتهميش الأفلام الرائعة التي تعرض في المهرجان.

وكتبت أسماء عبر حسابها الرسمي بموقع التواصل الاجتماعي "فيس بوك"، "كلمتين على الماشى انا طبعا وقت طويل مبفتحش الفيس وساعات التليفزيون بس اهو الى حصل جت فوقة يومين ولله الحمد فعايزه اقول مجرد وجهة نظر متواضعة".

تابعت: "طبعا الهرى كله كله على السوشال ميديا كان مرتبط بمهرجان الجونة ودى كارثة بردوا كان البلد مفيهاش غيره لكن ماشى هو الحدث الى متصدر العناوين وخصوصا الفساتين  اه موال كل سنة بس الاختلاف انها زادت اقوى المرة دى وبسخافة وافورة ودخل ناس حجبوا ناس وغيروا موديلات واوعى تفتكروا ان ده اجتهاد شخصى لا انا راىى انه مقصود".

وأضافت: "طيب تعالوا نحلل باختصار ونشوف الازمة فين واحنا مفتقدين ايه تحديًا وزى ما قولت دى وجهة نظرى ..

2- الاختزال المتعمد لباقى الاخبار السنة الى فاتت مثلا لما كنت بصحتى روحت ولفيت واشتغلت تغطية فى الجونة ولقيت اعمال فنية رائعة حاجة تفرح وتجارب شبابية من اكثر من دولة  وورش عمل واعمال للاطفال حلمى الجميل فين الاخبار دى بتروح فين انا اقولك باختصار مبتلاقيش عندنا رواج اه ده الواقع مش تريند لكن الفستان واللقطة بكل اسف ده الى معظم المواقع بتجرى وراه وتاخد رواد السوشال ميديا وبدورهم ياخدوا الاعلام والراى العام وتنسف مجهود لاحلام بتشوف النور.

3- ما دام فى مهرجان حفر اسمه واستمر يعنى سياحة يعنى مكسب اقتصادى وتجارى ابواب رزق جميل فين بقا ودى الجونة بحر احمر واحلى انشطة بحرية وصور طبيعية ملهاش مثيل فى العالم ايوه  مش هتلاقى مصور اهتم بلقطة الا نادرا جدا مع ان ده لوحده كان يحصل ليه استثمار غير عادى مش السنة دى بس والسنين الى فاتت وخصوصا ضيوف المهرجان الاجانب والفنانين المصريين ويعملوا ترويج للانشطة البحرية والطبيعة الخلابة ولقطات حلوة وصور تاخد العقل لكن طبعا التريند اهم الاطلالات.

 

4-  على ذكر ضيوفنا الاجانب هنا فين سواء من اشقاءنا العرب او غيرهم فين حقيقى الى ما شفت لقاءات ولا شرح ل افلام الدورة ولا من شاف ايه ولا حاجة غالبا سلو بلدنا ان المهرجان افتتاح وختام بدون تفاصيل فقط ريد كاربت

 

5- علشان مطولش هى ازمة بداية من المادة الى مطلوب رواجها للمتلقى  للمستفيد لناس بتهاجم وخلاص وجزء تانى لجان غرضها تشوه اى حاجة وفى الاخر انا الى يهمنى استثمار الحدث لانه حقيقى بيحظى بمتابعة جيدة جدا  عموما بكل اسف النواحى الايجابية مش بتكون تريند دائما.