أحمد السقا: سواقين التاكسي كلهم أصحابي.. وبركب ميكروباص في الشتاء

قال السقا: "بتعلم من أي حد وساعات بيبقوا أصغر مني بكتير وببقى مهتم أتعلم منهم وفي ساعات بشوف تفاصيل بتبهرني، ومش مكسوف أبدا إني أبدي انبهاري بأحد وكأنه نجم مشهور وأنا طفل صغير أو من الجمهور بقله كنت عظيم وببقى عاوز أصفق له".

واصل: "ببقى سعيد جدا لما بشوف حد مجتهد قد أكون من أقل الناس موهبة لكني أزعم أني من أكثر الناس إجتهادا".

وروت الإعلامية لميس الحديدي عن واقعة حدثت قبل تصوير اللقاء عندما كانت تتناول كوبا من القهوة في أحد الكافيهات قبل وصولها برفقة الفنان أحمد السقا إلى "لوكيشن التصوير" فقابلا مجموعة من السيدات وأثنوا على أحمد الفنان قائلة: "السقا وقف مع الناس وقلع النظارة وسلم عليهم".

ووجهت سؤالاً للسقا قائلة: "فكرة التواضع جاية من نصيحة والدك إللي ذكرتها في كلمتك في المهراجان"، ليرد السقا قائلاً: "أنا سواقين التاكسي في مصر كلهم أصحابي مش بحب السواقة مش بسوق غير في الطريق المباشر بحب أركب تاكسي وأخد وأدي وأحيانا أقسم بالله بركب ميكروباص بالأخص في الشتاء عشان أشوف الناس بتتكلم أزاي ومخارج الحروف عندهم عشان أحطها في الدرج وأحتاجها في يوم من الأيام لو قعدت مع نفسي بين أربع حيطان ممكن أخرج ألاقي الدنيا اتغيرت ولا أواكب الناس".