شيرين رضا عن نور عمرو دياب: بسيطة.. وبتحب البرندات اللي تمنها بسيط زي "زارا"

تابعت في لقاء خلال برنامج "كلمة أخيرة" الذي تقدمه الاعلامية لميس الحديدي على شاشة "ON" قائلة: "في مرة قلتلي ماما عايزة أخلي الاكونت بتاعي "public" مش “ private” ,ومبسوطة بده "

وأوضحت أن إبنتها تعمل "بلوجر" قائلة: "نور شخصية بسيطة جداً في حياتها مابتحبش تلبس ماركات وده طبع أخدته مني أنا كمان مش بحب أتباهى بحاجة وأنا ست بسيطة فلما لقت إن ده مبدأها حبت يبقى هدفها كبلوجر مساعدة الناس إنها تروح البراندات البسيطة زي "زارا" و"أتش أند أم" إللي تمنها بسيط وشيك في نفس الوقت".

وتعليقاً على خطبتها قالت: "أنا سعيدة لما هيا تبقى سعيدة الناس كانت فاكرة أن أنا ضد الجواز.. أنا ضده صحيح بس لنفسي ..لكن هي لو عايزة تمر بالتجربة دي من حقها".

كشفت أنها لم توجه نصحاً لابنتها قبيل خطبتها من واقع تجربتيها كأم في الزواج قائلة: "مانصحتهاش لانها شافت التجارب بتاعتي.. لكن هي دلوقتي مخطوبة خليها تجرب هتتجوز ولالا؟ طول ماهي مبسوطة لازم تمر بالتجربة".

وحول هوية خطيبها الاجنبي أوضحت رضا أنها لم تعترض على ذلك قائلة: "نور عايشة بره بقالها عشر سنوات وبقت اجنبية صحيح مصر بلدها وكل حاجة لكن عشر سنوات هي فترة طويلة بعدت فيها عن كل الناس سواء عن اقرانها في العمر أو اصحابها فصعب أوي بعد عشر سنوات ترتبط بحد من هنا "