والد ياسمين صبري بعد تصريحاتها الأخيرة: "ممكن يبقى معاك ملايين بس سعران"
الأربعاء 27/أكتوبر/2021 - 07:15 م
نشر الدكتور أشرف صبري، تدوينة عبر حسابه الرسمي بموقع التواصل الاجتماعي "فيس بوك"، وذلك بعد عرض حلقة ابنته ياسمين صبري مع الإعلامي أنس في "ABtalks".
وقال والد ياسمين صبري: "ممكن ميبقاش معاك فلوس بس شبعان.. وممكن يبقى معاك ملايين بس سعران.. اللي يفرق بين الأول والثاني هو الشبع النفسي وده مش مقياسه الفلوس ده بيتقاس بطهارة النفوس والتربية السوية اللي بتكتسبها من اهلك وانت صغير ومينفعش تتعلمها وانت كبير فعلا".
وقالت الفنانة ياسمين صبري، عن علاقتها بوالدها "مفيش علاقة بيني وبين والدي لكن الانفصال مش سبب لأن الناس بتاخد اختيارات في حياتها، وفي ناس بتختار تتحمل مسئولية وتكمل للآخر وناس تانية بتختار نفسها".
أضافت ياسمين صبري إنها عاشت طفولتها مع جدها وجدتها من ناحية الام نظرا لانفصال والديها وهي بعمر صغير وإنها لم تكن تملك الرفاهية التي يملكها الأطفال في مثل عمرها بل كانت جدتها تربيها مثل والدتها نظرا لسفر الام التي كانت بطلة في السباحة.
