مواطن تصدى لسفاح الإسماعيلية يكشف تفاصيل جديدة بالواقعة: كان فى وعيه
الثلاثاء 02/نوفمبر/2021 - 11:36 م
كشف إسماعيل عبد السلام ، المواطن الذى تصدى لسفاح الإسماعيلية تفاصيل جديدة فى جريمة ذبح مواطن على يد آخر فى الإسماعيلية " كنت رايح أجيب حاجة وشفت واحد عمال يضرب فى المجنى عليه روحت ماسك العجلة ودخلت عليه وفضلت أقوله يا ابنى كده غلط هتودى نفسك فى داهية" ، مؤكدا أن القاتل كان طبيعى ولم يظهر عليه أي تعاطى للمخدرات .
وتابع فى لقاء مع الإعلامى شريف عامر ببرنامج يحدث فى مصر، " كان ماسك الساطور فى إيديه وكان طعن المجنى عليه فقولتله يا ابنى أنا خايف عليك .. فرد عليا ده اغتصب أمى وأختى"، متابعا" لما قالى ده اغتصب أمى الحماس اللى كان عندى راح .. فأخدت العجلة ومشيت".
واستطرد " أنا مشيت وماردتش أرجع تانى للشارع ولقيت الناس اتلمت"، مؤكدا إنه حاول منعه ولكنه عندما قال له القاتل ده اغتصب أمى ابتعدت ، مشيرا إلى إنه علم بواقعة الذبح بعدما عاد للمنزل.
