رمضان صبحى: عبد الحفيظ خصم من عقدى مرتين بدون علم الخطيب

أكد رمضان صبحي لاعب النادي الأهلي السابق، ونادي بيراميدز الحالي، على وجود خلافات جمعته بسيد عبدالحفيظ مدير الكرة في القلعة الحمراء.

وقال رمضان صبحي في تصريحات تلفزيونية، الخسارة من صنداونز بخماسية كانت كارثة، واتخصم مننا كل لاعب 10% من الراتب السنوي للموسم ده، اتفاجئت إن أنا الوحيد اللي اتخصم مني 10% من راتب موسمين وليس موسم واحد مثل الباقين، ولما سألت عبد الحفيظ قالي اسأل الخطيب، واكتشفت بعدها ان الخطيب ما يعرفش حاجة عن الموضوع".

وأضاف "كان في مشادات بيني وبين سيد عبدالحفيظ، لذلك كان خارج موضوع رحيلي إلى بيراميدز نهائياً، عبد الحفيظ لم يتداخل معي في قصة التفاوض لأن في النهاية كان بيننا مشادات، بعد المشادة مع بادجي، لم أكن مخطئ حينها، أشعر بشعور الأجنبي عندما يكون وحيدا في بلد غريب

وتابع،  "لا أحزن من شتائم جماهير الاهلي لي على السوشيال ميديا لأنني أعلم مدى غضبهم واسامحهم لأنهم اصحاب فضل ولهم حق علي، أنا مقدر زعل جمهور النادي الأهلي، الجمهور هو الوحيد الغير مستفيد من المنطومة، جمهور النادي الأهلي والنادي الأهلي هما اللي عملوا رمضان صبحي".

وعن سر إنتقاله لصفوف بيراميدز، قال "بيراميدز ناس بروفيشنال بيتعاملوا على أعلى مستوى عندهم هدف وحاجات كتير عايزين يحققوها، النادي الأهلي عنده بطولات كتير، هما الفكرة بتاعتهم ليه مايبقاش في نادي تاني عنده بطولات، عندهم الامكانيات اللي تخليهم يعملوا كده ولاعيبة على أعلى مستوى".