رمضان صبحي: شوبير "لم يكن صادقاًُ".. وفي ناس بتستخدم الجمهور ضدي

شن رمضان صبحي، لاعب النادي الأهلي السابق، ونادي بيراميدز الحالي، هجوماً عنيفاً على الإعلامي أحمد شوبير.

وقال رمضان صبحي في تصريحات تلفزيونية، "كابتن شوبير طالع يقول اني عملت إعلان وبعدها روحت لبيراميدز.. طيب انا كنت قايل لامير توفيق ان في عرض من بيراميدز وانا بتفاوض معاهم مكلمشي ليه شركه الإعلان يلغيه وليه تطلع تقول كلام مش حقيقي تهيج الجمهور عليا وليه لما انا رجعت الفلوس تاني للشركة متكلمتش طالما حكيت القصه".

وأضاف لاعب بيراميدز، "أنا كنت باحس بالأمان لما الجمهور بيقف في ضهري، أكتر حاجة ضايقتني إنهم بقوا بيستخدموا الجمهور ضدي"، متابعاً، "أنا كنت من جمهور النادي الأهلي وكنت بسافر ورا النادي من 2007، علاقتي بالجمهور وهما حاسين بإية أنا عارف ده كويس و أكيد هرجع الأهلي في يوم تاني من الأيام"

رفض رمضان صبحي لاعب النادي الأهلي السابق، ونادي بيراميدز الحالي، الإتهامات التي وجهت إليه من جانب جماهير القلعة الحمراء، بأنه بحثه عن "الفلوس" وراء رحيله إلى "وصيف" النسخة الأخيرة من مسابقة كأس الكونفدرالية الإفريقية.

وقال رمضان صبحي "أنا لو راجل بتاع مادة وبركز في الفلوس بس كنت فضلت في انجلترا ما أنا كنت قاعد على الدكة وباخد فلوس وبس"، مضيفاً، "الأهلي لو كان عاوز يخلص في رمضان صبحي كان خلص من بدري مكانش سابني لحد شهر يوليو، النادي الأهلي وجمهوره هما اللي عملوا رمضان صبحي والانتماء هايفضل في قلبي".

وتابع، "كان يجب على الأهلي أن يقوم بشرائي، ولم أشعر بنفس قوة رغبة الأهلي في بقائي، كنت أود الاحتراف وكنت أسأل نادر شوقي عن العروض وقال لي لا يوجد عروض رغم أنني أفضل لاعب في بطولة إفريقيا".

واختتم، "كنت اتقاضى 5 اضعاف راتبي في الاهلي  وانا  في انجلترا والجانب المادى لم يؤثر على قرارى بالانتقال الى بيراميدز , صليت استخارة واختارت بيراميدز، حسيت هبقى مرتاح كده".