موقف إنسانى للراحل أحمد خليل مع طالب يتيم
الثلاثاء 09/نوفمبر/2021 - 05:47 م
تداول رواد مواقع التواصل الاجتماعى منشور لأحد الصفحات يكشف عن موقف إنسانى للراحل الفنان أحمد خليل عندما بادر بمساعدة طالب يتيم.
وأوضح المشور ،" من ٧ سنين نزلت بوست عن حالة طالب ثانوية عامة متفوق يتيم وحلمه يدخل طب .. كان الهدف من البوست نوجد كفالة طالب علم له ..صديقة ليا (ربنا يرحمها) شيرت البوست بعدها بساعه لقيت مكالمة من حد قالي انا اسمى احمد عبد الله والولد ده مبقاش يتيم ربنا بعتله اب .. ممكن توصلينى بيه .... من عادتى فى العمل الخيري ان الحالات المتعففة التعامل معاها عن طريقي
المرة دي من صدق نبرة صوته اديته رقم الطالب".
وكشف المنشور "بعدها بيومين الولد كلمنى قالي انا قابلت ا/ أحمد خليل وقالي كل اللى عاوزه من عنيا وانا ابوك .. احمد خليل مين يا بنى. اسمه احمد عبد الله ... قالي لا ده احمد خليل الممثل..كلمت ا. احمد وشكرته وقولتله انا معرفتش حضرتك قالي انا قاصد مقولكيش انا مين انا ... كلناعباد الله.... انا عاوز العمل ده يبقى خبيئة يمكن ده يكون طريقي للجنة . .اللهم اني اقسم عليك باسمك الأعظم واتوسل اليك بالخبيئة ان تكرم نزله".
