"هي اسمها كده".. سهير المرشدي تعلق على "المومس الفاضلة"
الأحد 14/نوفمبر/2021 - 12:57 م
عبرت الفنانة سهير المرشدي، عن رأيها في أزمة مسرحية "المومس الفاضلة" وما تتعرض له من هجوم على نطاق واسع قبل عرضها.
قالت سهير المرشدي، خلال مداخلة هاتفية لها مع برنامج "الحكاية" الذي يقدمه الإعلامي عمرو أديب، "لابد أن نسمي الأشياء بمسمياتها وألا نفعل مثل النعام وندفن رؤوسنا في الرمال بحجة أن لا أحد يرانا".
تابعت: "فيه مسميات أخدت جواز سفر وبقت حقيقة ولازم نواجهها أيا كانت الحقيقة، سواء اختلفت معاها أو اتفقت هتفضل حقيقة راسخة في الأذهان ونعطي كل ذي حق حقه.. زي عندنا في اللغة العربية ما بنقول دعارة لازم ندي المعاني حقها".
أضافت:"الجيل بتاعي لازم يرسي قواعد حقيقية، الحق لازم تتقال الحقيقة لازم تتعاش لكن المجاملة على حساب الحقيقة أنا ضد ده".
واختتمت سهير المرشدي، "الناس كلها طمعانا فينا وفي الحتة الجميلة اللي ربنا حباها بيها وذكرها في القرآن أكتر من 5 مرات، وبالجغرافيا والتاريخ ذكرت أكثر من مرة، مصر مطمع بس مش دريانين بغنانا وعظمتنا والجمال اللي ربنا حبانا به، فتلاقينا طيبين".
