عبدالرحيم حسن في حوار لـ مصر تايمز: هذا سبب إبعاد أبنائي عن الساحة الفنية.. دوري في "فارس بلا جواد" نقلة في مسيرتي الفنية.. نفسي أعمل تجربة كوميدية

الفنان عبد الرحيم حسن نجم في أي عمل فني يظهر به، وهو سبب رئيسي في نجاح أي عملك يشارك به، وهذا لا يرجع فقط إلى تاريخه الفني الكبير المملوء بالأعمال الناجحة، بل أيضا يعد من أهم نجوم التلفزيون، لكونه أستاذً في تقديم الأدوار الصعبة، وبارعا في تقديم الشر والطيبة في نفس الوقت، فهو نموذج للفنان المجتهد صاحب مواقف الكرم والجدعنة، صاحب الجمهور الكبير بعدما نجح في أن يحجز لنفسه مكانا في قلوب الجميع بموهبته وتواضعه معا، حتى أصبح نجما نفتخر به كأحد الرموز على الساحة الفنية المصرية.

- بداية التمثيل في حياتي وانا في رابعة ابتدائي عملت مسرحية عن معركة  بورسعيد وجسدت شخصية الشهيد "نبيل منصور"، ومن صغري والتمثيل داخل جوايا كنت بروح أحضر العروض المسرحية لحد موهبة الرسم هي اللي طولت بعد كده للمرحلة الثانوية، وأنا في إعدادي دخلت مسابقة رسم في الفيوم وإحنا مهاجرين لأني من بور سعيد، عملت لوحة عن معركة بورسعيد وفازت على مستوى إعدادي وثانوي، ودخلت المسرح الجامعي أخدت 3 سنين ممثل أول جامعة وسنة ممثل أول جمهورية.

بداية مشواري الفني السنة اللي تخرجت فيها كنت تعرفت على أستاذ "نور الدمرداش"، سمع عني وبعتلي وشاركت في مسلسل "كيمو" كان بطولة الفنان "محمد صبحي"، كان دوري 3 حلقات وبعدها دخلت الجيش وخرجت كملت مسلسل "أصيله" مع "نور الدمرداش" ومن هنا بدأت المسيرة.

- كورونا أثرت على جميع نواحي الحياة بما فيها الفن، دور العرض توقفت لفترة طويلة لحد ما بقي في تباعد إجتماعي، والمسارح لما تكون الصاله بتاخد 1000 فايبقي 500 بس اللي موجودين ده بيسبب خسارة أثرت على العمل بشكل كبير توقفنا في المسرح والسينما.

- الجديد بعمل عرض مسرحي "نجوم الضهر" مع الأستاذ "محمد صبحي"، وانتهيت من مسلسل ل شاهد إخراج أستاذ "أحمد الجندي" أسمه "موضوع عائلي" مع "ماجد كدواني"، وحاليا بصور حاجة ل شاهد إخراج "خالد مرعي" مع "كريم محمود عبدالعزيز، ومصطفى خاطر"، بحضر أيضا حاجة ل شاهد أسمها "البيت بيتك".

- في بداية مشواري الفني كان الدور اللي يعرض عليا باخده، لكن حاليا في إختيار وتدقيق في الأدوار التي أجسدها، لا يوجد عندي مشكله اني أعمل مشهد بشرط يكون مؤثر في الأحداث والعمل الفني يكون له إيجاب عند الجمهور.

- الأدوار المشابهة لشخصيتي الحقيقية هي الأدوار الطيبة، الإنسان الحبوب اللي علاقته طيبة بالناس، دي أكتر الأدوار المشابهة لشخصيتي الحقيقية.

- انا خريج كلية تجارة وادارة اعمال لكن عملت سنة في الكويت ب المؤهل بتاعي، بعد كده رجعت عملت في التمثيل حتى هذه اللحظة.

- أقرب وأهم عمل بالنسبة لي هو "فارس بلا جواد" جسدت شخصية "حاذق باشا" رغم أنه دور 4 حلقات لكن أنا أعتبره من أهم الأدوار في حياتي اللي اتبني عليه كل شغلي بعد ذلك.

- أصعب دورين "حاذق باشا" في مسلسل "فارس بلا جواد" و"عارف" في "أولاد الأكابر".

- أن يستمر المسرح بشكل جيد وأعمل أدوار لم اتطرق لها من قبل، أتمنى أن أدخل السينما بشكل قوي  والتجربة الكوميدية.

- هو ليس فنان واحد، "نور الشريف" كان قريب إلى قلبي جدا كان أستاذ وصديق ومعلم نفس المساحة أيضا الراحل "أحمد زكي" كان مهتم جدا بيا كان متمسك بيا جدا بعد "ناصر 56" لما عملنا "أيام السادات" وبعدها بعتلي في "حليم"، وأيضا الأستاذ "يحي الفخراني" أستاذ "حسين فهمي" وأستاذة "يسرا" حاليا الأخ الأكبر الأستاذ والصديق والمعلم "محمد صبحي".

- لو رجع الزمان كنت برضو هختار مجال التمثيل هبدأ بشكل مختلف لأني بدأت بدون دعم وبدون فهم ولم أسعى، عملت في بداياتي أدوار مهمة لكن لم أسعى للمخرجين اعرفهم بنفسي اكتر كنت بقعد في بيتنا منتظر ان هما يبعتولي لو رجع بيا الزمان هاتبقي سياسة دخول المجال مختلفة بشكل تاني بعلاقات مختلفة بشكل آخر.

- شخصية الجد في مسلسل "النهاية" الراجل الطيب كنا في فترة زمنية مستقبلية كان يحنو على مجموعة أطفال يعتبرونهم أطفال الشوارع وبياخدوهم بيسخروهم ل غرضهم العلمي أو لهدفهم فهو كان محتوى مجموعة من الأطفال رغم فقره واحتياجه للمال، ومن أهم المشاهد لما سرق الأكل من السوبر ماركت عشان يأكل الأطفال بسبب إحساسه وعطفه عليهم ارتكب هذه الجريمة وهذا الأثم اللي كان ندمان عليه، في هذا الوقت كان يغلب العلم والمسائل محسوبة بالورقة والقلم وكيفية تعامل الناس مع بعضها لكن الجانب الجاد هو الجانب الإنساني الذي يظل موجود حتى تقوم الساعة.

- كان دعم من المخرجين وإيمانهم بيا أستاذ "نور الدمرداش"، والاستاذ "أحمد توفيق"، والاستاذ "حمادة عبدالوهاب" كبدايات لكن لما بدأت مكنتش خدت فرص أكبر لكن كان الدعم بعد كده من فنانين أستاذ "محمد صبحي" أستاذ "نور الشريف" وكان في دعم قوي جدا وحقيقي من الفنان الراحل "أحمد زكي".

- الرسالة اللي أحب أوجهها للمبتدئين، في اشكالية كل اللي داخل عايز يعيش النجومية زي ما شايفها وبيسمع عنها يعني فلوس وشهره بشكل سريع، لو مجاتش بسهولة وعمل مشهد يتخيل أن هو لازم يعمل بعدها بطولة ولازم ينطلق بشكل سريع بقولهم تريثوا اللي عنده الموهبة الحقيقية هو اللي بيبقي هو اللي بيتشاف صح مع السعي، السعي مطلوب بمعني إني أتعرف على مخرجين أتعرف على مؤلفين أتعرف على شركات إنتاج أسوق نفسي لأن للأسف في مصر لا توجد فكرة تسويق الفنانين فيعتمد كل فنان على نفسه وفكره، عرف نفسك الغلطة اللي ارتكبتها زمان في حق نفسي إني أنا مكنتش أعرف أسوق نفسي، أقولهالك عرف نفسك لو حتي عملت مشهد في مسلسل سجل المشهد ده وعرفه للمخرجين مش هيزهقوا منك حتي لو في واحد او اتنين نفروا منك لكن الباقيين مش هاينفروا مع الوقت هتلاقي نفسك تشتغل بتعمل علاقات والعلاقات هي أساس تشغيلك في المجال الفني.

- جسدت دور "عبدالمنعم القيسوني" وزير المالية في فيلم "ناصر 56" ده كان بداية تعارف حقيقي بالفنان "أحمد زكي" كان المخرج "محمد فاضل" الأستاذ العظيم عملت معاه تجارب قبل كده، "أحمد زكي" هو اللي آمن بيا ورشحني بقوة في "أيام السادات" واللي كلمني عشان فيلم "حليم" ولو كان ربنا أطال في عمره كان سيظل يدعمني بشكل قوي.

- عندي ولد واحد "أحمد" و يدرس "تصوير" في سنة تانية حاليا ربنا يوفقة وللعلم هو ممثل كويس، لكن هو قالي أنا أحب أكون خلف الكاميرا مش قدام الكاميرا وأنا احترمت رغبته.