نجل شعبان عبد الرحيم لـ هاني شاكر: "سيبهم ياكلوا عيش بدل مايبيعوا حشيش"

وجه الفنان عدوية شعبان عبد الرحيم نجل الفنان الراحل شعبان عبد الرحيم، رسالة إلى الفنان هاني شاكر نقيب المهن الموسيقية بعد قراره بإيقاف مطربي المهرجانات الشعبية.

وقال عدوية شعبان عبد الرحيم في مقطع فيديو، "وحياة أغلى حاجة عندك، وحياة ولادك الرجالة وأحفادك وحياة أي حد إنت بتحبه في الدنيا، وحياة رحمة أبويا اللي إنت بتحبه، بلاش الناس اللي إنت عملت لها حظر، فكهم عشان يشتغلوا لأن معاهم ناس شغالة، ناس صغيرة في السن، مستنيين الـ 200 جنيه والـ 150 جنيه لو أثروا هيستلفوا وهيكون عليهم فلوس كتير".

وتابع : "إحنا عاوزين الدنيا تمشي حلوة لأن كده فيه اللي هيبيع حشيش وبرشام وإحنا ما بنصدق الدولة والدنيا تتظبط سيب الدنيا ماشية عشان الناس اللي معاهم ممكن هما يعرفوا يتصرفوا، لكن اللي معاهم مفيش حد هيديهم حاجة، إحنا ما بنصدق إن الدنيا تظبط، عشان خاطر ربنا المسامح كريم وكل سنة وإنت طيب".