هانى شاكر يرد على نجيب ساويرس: "كفاية فضيحة الجونة"
الجمعة 19/نوفمبر/2021 - 11:57 م
رد الفنان هانى شاكر على رجل الأعمال نجيب ساويرس بعد إتهام الأخير له بإنه منفسن ولا يسمع غناه قائلا" أنا اللى مايشرفنيش انك تسمعنى .. اللى بيسمع النوعية دى من أغانى المهرجانات يبقا ماينفعش يسمعنى... أنا مش صغير.. وكفاية فضيحة الجونة ..أنا هنفسن من حنجرة وكسبرة ... ده تقليل من قيمة الناس المحترمة".
وهاجم رجل الأعمال نجيب ساويرس ، الفنان هانى شاكر نقيب المهن الموسيقية بعد قرار منعه لمطربى المهرجانات من الغناء قائلا، "محدش ولى علينا كل واحد حر يسمع اللى هو عايزه محدش هيجبرنا نسمع حاجة على مزاجه.. هعزم مطربى المهرجانات فى الجونة.. الموضوع فى نفسنه وغيره".
وتابع فى مداخلة هاتفية مع الإعلامى عمرو أديب ببرنامج الحكاية " دوره اجتماعى ومعاش وكده ومش دوره يقولنا نسمع إيه ومانسمعش إيه ده حتى مش نقيب مغنيين"، متابعا " أنا مابيعجبنيش غنى هانى شاكر وغني مطربى المهرجانات 100%".
