على غزلان عن خطيبته قبل أسبوع من كتب كتابهم: بتخليني أنسي تعب الدنيا
الإثنين 22/نوفمبر/2021 - 07:31 م
أعلن اليوتيوبر على غزلان عن موعد كتب كتابه على خطيبته ملكة جمال مصر عام 2017 فرح شعبان ، موضحا إنه سيتم فى أقل من أسبوع.
وكتب غزلان عبر صفحته الرسمية على موقع التواصل الاجتماعى " فيس بوك" ، " أقل من اسبوع وهنكتب كتابنا وهتبقي مراتي علي سنه الله ورسوله..أول مرة قابلتك مكنتش صدفه من البدايه ،، دي كانت رحمة من ربنا لقلبي ..انا كنت محتاج حد شبهي ، حد يقاسمني فرحي وحُزني ، حد حنيته عليا بتخليني أنسي تعب الدنيا .. وأنا لقيت كل ده فيكي".
وتابع " يشهد ربنا اني مشفتش كل حاجه حلوة غير معاكي ، يشهد ربنا انك استحملتيني كتير وكنتي اقوي ضهر اتسند عليه ، يشهد ربنا اني قصرت معاكي كتير وانتي عمرك ماقصرتي معايا ، يشهد ربنا انك مشرفاني قدام عيني وأهلي وكل اللي اتعامل معاكي حبك ، يشهد ربنا اني هفضل طول عمري أسعدك وضهرك وسندك ، وهفضل أقول إنك أحسن قرار صح خدته في حياتي ..أنا محبتكيش عشان كنت محتاج أحب ، محبتكيش عشان كان في فراغ في حياتي ، محبتكيش عشان كنت حاسس بالوحده".
واستطرد " حبيتك لإنك إنتي ، حبيتك لإنك عوضتيني عن تعب السنين اللي فاتت بحنيتك وجدعنتك وخوفك عليا ، حبيتك لأنك اوقات كتير فضلتيني عن كل اللي بتحبيه وبقيت الأولوليه في حياتك .. والله لو خيروني بين كنوز الدنيا وبينك لأخترتك انتي".
