"عربيتنا باظت".. مواطنون يهاجمون إحدى محطات البنزين بمدينتى

وقال مواطن يدعى " حلمى محمد " عبر الصفحة الرسمية لمدينتى محذرا المواطنينن قائلا " اللي خايف علي عربيته انها تبوظ يقرأ البوست بكامل تفاصيله ..ملحوظة ( بوست طويل ) ولكن مهم جداااااااااااااا.. مشكلتي مع محطة امارات مصر ( مدينتي ) ..مش هاقول غير حسبي الله و نعم الوكيل في كل من تسبب قولا او فعلا في ان عربية جيب زيرو موديل 2021 قيمتها 700 الف جنيه لسه ماشية 18 الف كيلو تبوظ بالشكل ده.."

وتابع "بداية الحكاية انا خارج من مدينتي مساء الخميس الماضي الساعة 1 بالليل و انا طالع دخلت محطة امارات مصر بوابة 1 مدينتي و انا عندي عادة غريبة شوية اني عمري ما بدخل محطة بنزين افول الا لما بصور طابلون السيارة الاول و كمان بصوره تاني بعد التفويل مباشرة... و كمان عمري ما بدفع كاش لازم بدفع بالفيزا تحسبا لأي طارئ فيكون هناك وسيلة ربط بيني وبين المحطة و قد كان... دخلت المحطة حطيت بنزين ب 300 جنيه و بعد ما تحركت مباشرة مفيش 50 متر نورت لمبة الماكينة مع ظهور رسالة علي الكمبيوتر تم عطل في الماكينة و يجب الاصلاح  Engine fualt  فورا لفيت و رجعت للمحطة و قابلت مسؤول المحطة الليلي السيد / احمد مصطفي وحكيتله اللي حصل و وريته الطابلون و اللي ظهر عليه بيقولي ما عندناش مشكلة وريته الصورة للطابلون و انا داخل ان السيارة سليمه قبل خمس دقايق قالي سيب رقم حضرتك و الادارة تتصل بيك قولتله عايز اعمل اثبات حاله قالي ما عنديش اكتر من اني اخد رقم حضرتك و تكتب شكوي في ورقة و انا اديها للادارة قولتله اختمها و اعطيني نسخه قالي ماعنديش الكلام ده."

وقال "قولتله خلاص هاعمل اثبات حاله بنفسي في قسم الشرطة و توجهت لقسم الشرطة فوراو عملت محضر و طلع معايا الامين المحترم و تاكد من المشكلة بنفسه في العربية و شاف الطابلون و كمل المحضر و ارفقنا نسخه من ايصال الدفع بالفيزا مع المحضر لاثبات الوقت والمعامله التي تمن من بنزينه امارات مصر و افادوا بتحويل المحضر في اليوم التالي و صدور رقم قضائي.. قمت بايقاف السيارة و ذهبت للبيت بأوبر و استلمت اتصال هاتفيا باليوم التالي يوم الجمعه من السيد / محمود  عرفني بانه مدير و تفهم الموضوع و بعد مكالمات طويلة جدا كانت في الاول تنصل من المشكلة افاد بانه هيتابع معايا و انهم مستعدين لتعويضي ان شاء الله بعد صدور تقرير الاصلاح."

واستطرد "توقفت السيارة يوم الجمعه و تحركت الي مركز خدمة صباح السبت و بالفعل افادوا بن المشكلة نتيجة البنزين و يجب فك تانك البنزين و تفريغ البنزين كاملا و تغيير طرمبه البنزين و طقم البوجيهات و سوف تخضع للاختبار لمدة 1000 الي 1500 كيلو متر و اذا حصل مشكلة سوف يتم تغيير علبة البيئة والبخاخات و تم تقدير التكلفة المبدئية الاولي للطربمة والبواجي ما يقارب ال 4000 الي 3500 جنيه تقريبا اما اذا تطلب الامر علبة البيئة والبخاخات سوف تصل التكلفة الي 40 الف جنيه تقريبا.. ثم استملت اتصال اخر من السيد / ابراهيم افاد بانه مدير محطات لامارات مصر  و تكلم معي في بداية المكالمة بانه معي قلبا وقالبا و انه مسؤول مسؤولية كامله عن الصيانه و لكن بعد التقرير و بعد جلوسي للفحص الدقيق مرتين بمركز الخدمة من صباح يوم السبت و حتي الساعة 5 المغرب ارسلت له تقرير الاصلاح و افاد بانه بأن هذا التقرير لا يدين المحطة بأي شئ لان التقرير لم يذكر ان البنزين الموجود في السيارة غير صالح..

وتابع "قولت له تقرير الاصلاح كله بيقول فك واحلال و تفريغ تانك البنزين و تغيير طربمه البنزين و تغيير البواجي و بعد كده ممكن لا قدر الله ندخل في علبة بيىة و بخاخات هو كل ده عشان ايه عشان العجله اتخرمت يعني ولا عشان انتم حطيتولي بنزين فيه مشكلة... قالي خلي مركز الخدمة يكتب كده ان البنزين غير صالح انما التقرير اللي معاك بيقول ان عربيتك بايظة و انت رايح تصلحها اقوله عربيتي جديدة زيرو ولسه عامله صيانه ال 10 الاف من شهرين و ماشية ميه ميه اكياس الكراسي لسه عليها يقولي لا يا فندم ده تقرير عربية بايظة وانت رايح تصلحها".