"بيكا" لـ "تامر عبدالمنعم": نضف قلبك من الغل يمكن تلاقي حد يديك دور وتمثل
الخميس 25/نوفمبر/2021 - 02:25 م
هاجم حمو بيكا مؤدي المهرجانات الموقوف بقرار من الفنان هاني شاكر نقيب الموسيقيين، تصريحات الفنان تامر عبد المنعم، الأخيرة بشأنه، على حسابه الشخصي بموقع التواصل الاجتماعي "فيس بوك" .
وقال "بيكا": "ردًا على كلام المدعو تامر عبد المنعم، الحمد لله انا مش مستني حد زيك يقولي اقرأ أو مقراش، انا معايا اخواتي هما عيني وضهري، انا بقى اللي بقولك شوفلك حد ينضف قلبك من الغل والصفار والتنمر اللي فيه".
وأضاف "يمكن ربنا يكرمك وتلاقي اللي بيديك دور تمثله ولا حاجة، حسبي الله ونعم الوكيل في كل شخص معاه سلطة وبيتحكم في خلق الله"، واختتم كلامه قائلًا "احنا معانا ربنا مش سلطة وقرارات وحقي هاخده".
وكان الفنان تامر عبدالمنعم، مدير عام الثقافة السينمائية بوزارة الثقافة، شن هجوم على مؤدي المهرجانات الشعبية حمو بيكا، بعد منشور له عبر فيس بوك يصف فيه رجل الأعمال نجيب ساويرس وهو يحمل الديانة المسيحية، قائلا: "هذا جهل ونتيجة مستوى تعليمي" .
وأضاف "عبدالمنعم": "هو المهندس نجيب ساويرس ماله ومال نقابة الموسيقيين أصلا وحكاية حمو بيكا".
ورد الفنان تامر عبدالمنعم على هجوم حمو بيكا قائلا" أنا قادر على 20 حمو بيكا" مش واحد بس، وأعقل الدواء فيه سم قاتل".
